Saray Salmo 31:14 - Maung A Balita Biblia

¹⁴ Balet, manmamatalek ak ed sika, Katawan; sikay Dios ko.

Maung a Balita Biblia

¹⁴ Balet, manmamatalek ak ed sika, Katawan; sikay Dios ko.

Saray Salmo 31:14 Referans Kwoze

Saray Salmo 18:2

Say Katawan so manangilaban ko; sikatoy mabiskeg a tirinsirak. Say Dios ko so manangyagel ko; tan no kaibak anggapoy pagpagak. Sikatoy singa samper a manasanib ed siak; iyaagel to ak tan iyaarawi to ak ed kaatapan.

Saray Salmo 43:5

Akin et onya lay paneermen ko? Akin et mapalaloy kagugunigon ko? Say Dios so panilaloan ko, tan sikato lamet so idayew ko, say manangilaban ko tan Dios ko.

Mateo 26:42

Pinmidwan inmarawi si Jesus tan nampikasi, “Amak, no ag nipaliis yan kupay kairapan likud ya inomen ko, say linawam so nasumpal.”

Saray Salmo 140:6

Kuankod Katawan, “Sikay Dios ko.” Dengel mo pay ikekerew ko na tulong, O Katawan!

Mateo 26:39

Kaarawi toy daiset, dinmakmomo a sinmabid dalin so lupa to tan nampikasi, “Amak, no nayari komun, ipaliis mo siak yan kupay kairapan! Balet aliwan say linawak, no ag ingen say linawam, so nasumpal.”

Saray Salmo 63:1

O Dios, sikay Dios ko, tan pampipirawatan ta ka. Sika so pampipilalekay intiron inkatook; say kamarerwak so napnapgaan ed sika, a singa naksawan, amagaan, tan kinmelang a dalin.

Saray Salmo 71:22

Idayew ta ka diad panogtog koy arpa; idayew koy inkatoor mo, O Dios ko. Togtogan ta kad arpak na saray imno, sikan Masanto na Israel.

Saray Salmo 71:12

O Dios, ag mo ak pa aarawian; Dios ko, tulongan mo ak pa lan tampol!

Juan 20:17

“Ag mo ak bebembenan,” kuanen Jesus ed sikato, “ta ag ak ni inmatagey a linmad Ama. Onla ka ingen ed saray agagik a lalaki tan ibagam ed sikara a kuanko, ‘Onatagey ak ya onlad Amak tan Ama yo, Dios ko tan Dios yo.’”

Mateo 27:46

Nen sakey ya alas tris ed ngarem, inmeyag si Jesus na makmaksil, “Eli, Eli, lema sabachthani?” a labay ton ibaga, “Dios ko, Dios ko, akin et inkaindan mo ak?”

Genesis 37:18

Anengneng da nen arawi ni tan kasakbayan to ran naasinggeran, nantotongtongan dan pateyen.

Jeremias 20:10

Narerengel koy paneesaesan na saray karaklan, “Makapataktakot ed anggan iner a pasen! Kanyan idalem tayod saray makankanepegan!” Anggan saray kakaarok a malet aalagden day kapelag ko. “Angangko nayarin palikdoen,” kuanda; “naerel tayo sirin tan makabawi tayo.”