Saray Salmo 31:11 - Maung A Balita Biblia

¹¹ Balbalawen ak na amin a kalaban ko; kabkabosul ak na saray kakaabay ko. Antakot ed siak iray makapikabat ed siak; no nanengneng da ak ed dalan, ibatikan da ak.

Maung a Balita Biblia

¹¹ Balbalawen ak na amin a kalaban ko; kabkabosul ak na saray kakaabay ko. Antakot ed siak iray makapikabat ed siak; no nanengneng da ak ed dalan, ibatikan da ak.

Saray Salmo 31:11 Referans Kwoze

Saray Salmo 38:11

Ag ak la singgeran na saray kakaarok tan saray kakaabay ko, lapud saray girik; aarawian ak na anggan saray kabyangay pamilyak.

Saray Salmo 88:8

Sikay sengegan na impangikaindan ed siak na saray kakaarok; impagmaliw mo ak a makarimdimla ed sikara. Nipokuk ak kanyan ag ak la makapaway;

Mateo 26:56

Balet agawa yan amin pian nasumpal so ibabaga ray propita ed Masanton Sulat.” Nagsibatik ya amin iray disipulo tan tinaynan dan bukbukor si Jesus.

Saray Salmo 88:18

Tinanggoyur mon ikaindan ak na saray malmalet a kakaarok; bilonget labat so akeraan a kaibak.

Isaias 49:7

Say masanton Dios tan manangilaban na Israel kuanto ed bansan mapalaloy kababalaw to, a kabosul na saray bansa tan aripen na saray manoley: “Saray arari nanengneng dan nibolus ka tan onalagey ira diad pamagalang da; nanengneng met na saray prinsipi so kabolus mo tan ondakmomo ra diad pangigalang dad sika.” Nagawa ya lapud say Katawan pinili toy aripen to; say masanton Dios na Israel susumpalen to ray sipan to.

Saray Salmo 64:8

Deralen to ra, lapud saraman a salita; ompeyeng ya amin iray makanengneng ed sikara.

1 Pedro 4:14

Manliket kayo no napabaingan kayo lapud itotombuk yod Cristo, ta mapatnag ed satan a say mapagalang tan makapanyarin Ispiritu na Dios et manaayam ed sikayo.

Saray Hebreo 13:13

Kanyan onla itayod sikato diad paway na kampo tan minabang ti met ed kababaingan to.

Saray Hebreo 11:36

Wala rad sikaray sinisiplatan tan niluludlurey, tan wala ra met ed sikaray binabalur tan impripriso.

2 Timoteo 4:16

Anggapoy anggan sakey ya angibad siak nen inmonan inmarap ak ed korti. Tinaynan da ak ya amin. Ag ya komun ipakasalanan na Dios ed sikara!

Saray Taga Roma 15:3

Ta anggan si Cristo, ag to pinaliket so sikaton dili. Ingen onung ed Masanton Sulat, “Siak so naplagan na saray pabpabaing da ray nanlemlemew ed sika.”

Marcos 14:50

Nagsibatik ya amin iray disipulo tan tinaynan day Jesus.

Mateo 26:74

Balet nansamba lamet si Pedro a kuanto, “Nitay Dios, anggan dusaen to ak no mantitila ak. Talagan ag ko kabat itan a too!” Diad saman a bekta, kinmukaok so sakey a lalung.

Mikias 7:6

Diad sarayan panaon saray lalakin anak et ipapasen dan makulang-kulang iray kaamaan da, sumpaen na saray bibii so kainaan da, tan kolkolen na saray malangwer a bibii iray katolangan dan bibii; saray kalaban na sakey a laki et saray dilin kabyangan na pamilya to.

Jeremias 12:6

Anggan saray agagim a lalaki, saray kabyangay boleg mo et nantraidoran da ka; manggagampi rad idogpa rad sika. Ag mo ra panmamatalkan, anggaman a maabig so panagsalita rad sika.”

Saray Salmo 22:6

Balet aliwa ak lan sakey a too; sakey ak lan alumbayar, a balbalawen tan pabpabaingan na saray totoo!