Saray Salmo 30:7 - Maung A Balita Biblia

⁷ Maung kad siak, Katawan; inyagel mo ak a singa tirinsirad palandey. Balet, nen inyamutan mo ak, natatakot ak.

Maung a Balita Biblia

⁷ Maung kad siak, Katawan; inyagel mo ak a singa tirinsirad palandey. Balet, nen inyamutan mo ak, natatakot ak.

Saray Salmo 30:7 Referans Kwoze

Saray Salmo 104:29

No onarawi ka, natatakot ira, no ekalen moy ingas mo, ompatey ira tan ompawil irad dabuk a nanlapwan da.

Saray Salmo 143:7

Ebatan mo ak pa la natan, Katawan! Naandi lan amiy ilalok! Ag mo ak pa iyaamutan, ta ompan sakey ak ed saray oonlad pasen a panaayaman da ray inaatey.

Saray Salmo 89:17

Iitdan mo kami na baleg a pananalo; panataloen mo kami lapud panangasim.

Saray Salmo 40:2

Inaon to ak ed abut na kaatapan tan diad gayungayun na patey. Inlira to ak ed tapew na baton-dampay et niarawi ak ed kaatapan.

Saray Salmo 30:5

Mangangganon onkekepay sanuk to, balet anggad samput na bilay so kaabigan to. Nayarin walay ermen no labi, balet onsoblay so gayaga no kabwasan so onsabi.

Saray Salmo 5:12

Bibindisionan mo ray mangoonur ed sika, Katawan; say panangarom, singa samper a mangyaagel ed sikara.

Say Libro nen Job 10:12

Initdan mo ak na bilay tan ag mangoman a panangaro; lapud panangasikasom mabilay ak ni ya anggad natan.

Deuteronomio 31:17

No ontan so nagawa mampasnuk ak ed sikara; ikaindan ko ra, et ompatey ira. Amayamay so ondalan ed sikaran makapataktakot a deral, et nabirbir da ya agawa ra yad sikara lapud andi ak lad sikara, siak a Dios da.

Isaias 38:17

Say kapaitan na bilay ko et nasalatan na inawa. Iyaagel moy bilay ko ed amin a kaatapan; Pipirdonaen moy amin a kasalanan ko.

Saray Salmo 102:10

lapud pasnuk tan petang na olom. Inalam ak, insan mo ak imbantak.

Saray Salmo 44:3

Saray totoom ag da sinamsam so dalin diad panamegley na saray ispada ra; ag da dinakep diad panamegley na dilin pakayari ra. Sinamsam da diad panamegley na dilin pakayarim tan biskeg mo, diad panamegley na kiwawalam ed pegley da, ya angipanengneng ya inarom ira.

Saray Salmo 10:1

Katawan, akin et arawdawi ka? Akin et onaamut ka no nagugunigon kami?