Saray Salmo 30:4 - Maung A Balita Biblia

⁴ Kantaan yoy panangidayew so Katawan, sikayo ran matoor a totoo to! Nunot yo no anto ray ginagawa na samay Masanto, tan pisalamatan yo!

Maung a Balita Biblia

⁴ Kantaan yoy panangidayew so Katawan, sikayo ran matoor a totoo to! Nunot yo no anto ray ginagawa na samay Masanto, tan pisalamatan yo!

Saray Salmo 30:4 Referans Kwoze

Saray Salmo 97:12

Amin yon matonung, manggayaga kayo, lapud ginagaway Katawan! Nunot yoy ginagaway masanton Dios, tan misalamat kayod sikato.

Puyan 4:8

Sanaanem na payak ira may apatiran mabilay a pinalsa, tan diad paway tan dalem na payak, napno ray mata. Anggapoy tonda so pangakanta ra ed agew tan labi: “Masanto, masanto, masanto so Katawan a Dios a Makapanyarin-amin, say Dios nen saman, natan, tan say onsabi.”

Saray Salmo 148:14

Pinabiskeg toy bansa to, pian idayew na amin a totoo to— saray totood Israel a mabli ran tuloy ed sikato. Idayew yoy Katawan!

Saray Salmo 132:9

Gawaen lawas komun na saray paparim so inkatonung; oneyag komud liket iray totoom!

1 Saray Awaran 16:4

Tinoro nen David iray pigaran Levita a mangipanguloy pikakasi, pisasalamat, tan panangidayew ed Dios na Israel, diad arap na Kaban na Sipanan.

Isaias 6:3

Mantatawagan ira: “Masanto, masanto, masanto! Masanto so Katawan a Makapanyarin-amin! Say sankamundoan napno na kagalangan to.”

Saray Salmo 50:5

Ibabaga to: “Tipon yod arap ko iray matoor a totook, saray akisipanan ed siak diad impangisaklang day bagat.”

Saray Salmo 32:11

Sikayo ran totoon matonung, manliket tan manggayaga kayo, lapud saray ginagaway Katawan! Amin yon matoluk ed sikato, iyeyag yoy liket yo!

Exodo 15:11

“Katawan, siopad saray diriyos so singa sika? Siopay singa sikan makapakelaw ed inkasanto? Siopay makapanggawa na saray milagro tan saray makapakelaw a gawa a singa saray ginagawam?

1 Samuel 2:6

Say Katawan mamatey tan mamabilay; ibaki tod pasen a panaayaman da ray inaatey iray totoo, tan agwaten to ra.

Saray Salmo 28:1

Ontatawag ak ed sika, Katawan, a manangyagel ko. Dengel mo ak pa! No ag mo ak ebatan, magmaliw ak a sakey ed saray totoon onlalasur ed pasen a panaayaman da ray inaatey.

Saray Salmo 86:13

Agaylay kabaleg so ag mangoman a panangarom ed siak! Inlaban mo ak ed lobuk.

Saray Salmo 107:20

Lapud ganggan to pinaabig to ra, tan inlaban to rad lobuk.