Saray Salmo 30:11 - Maung A Balita Biblia

¹¹ Sinalatan mo na magayagan sayaw so ermen ko; nilakseb mod siak so ermen ko, insan inkawes mod siak so gayaga.

Maung a Balita Biblia

¹¹ Sinalatan mo na magayagan sayaw so ermen ko; nilakseb mod siak so ermen ko, insan inkawes mod siak so gayaga.

Saray Salmo 30:11 Referans Kwoze

Jeremias 31:4

Pasimbaloen ko so kipapasen yo a totook. Alaen yo lamet iray tamborin yo tan maliket kayon mansayaw-sayaw.

Isaias 25:8

Deralen Katawan a Dios ed ando lan ando so patey! Ponasen toy lua ed kamataan na balang sakey a too tan ekalen to so kababaingan ya inkaplagan na saray totoo to diad intiron mundo. Say Katawan a dili so nansalita.

Ecclesiastes 3:4

Igegetar toy panaon na panermen tan say panaon na panliket, say panaon na pandageyem tan say panaon na pansayaw,

2 Saray Awaran 20:12

Sika so Dios mi! Dusam pa ra, ta anggapoy nagawaan min onsumpa ed sarayan amayamay a sondalon ondodogpad sikami. Ag mi amta no antoy gawaen mi, balet onaapireng kamid sika a tulongan mo kami.”

Saray Salmo 149:3

Idayew yoy ngaran to diad panamegley na sayaw; togtog yo ray tambul tan saray arpa diad pangidayew yod sikato.

Saray Salmo 150:4

Idayew yo diad pamaknul yod saray tambul tan diad pansayaw yo. Idayew yo diad panogtog yod saray arpa tan plauta.

Lucas 15:22

Balet tinawag nen ama ray katulong to tan inkuanto, ‘Ganatan yo! Awit yo diay sankarakepan a kawes tan isolung yod sikato. Solungan yoy singsing tan itdan yoy sandalya.

Saray Salmo 30:5

Mangangganon onkekepay sanuk to, balet anggad samput na bilay so kaabigan to. Nayarin walay ermen no labi, balet onsoblay so gayaga no kabwasan so onsabi.

2 Samuel 6:14

Si David, ya akabariber labat na abel a linen ed awak to, et sinmayaw ed anggaay nayarian to a pangigalang tod Katawan.

Puyan 21:4

Ponasen ton amin iray luad mata ra. Anggapo lay patey, ermen, akis, tan sakit; naandipat la ray gendat a bengatla.”

Isaias 61:3

A mangiter ed saray maneermen ed Sion Na liket tan gayaga, aliwan ermen, Sakey a kanta na dayew, aliwan ermen. Magmaliw iran singa saray kiew A say Katawan a dili so angitanem. Say inkatonung so gawaen dan amin, Tan nadayew so Dios lapud ginawa to.

Saray Salmo 4:7

Balet say liket ya inter mod siak et baleg ni nen say liket da anggaman a daakan so pilak tan alak da.

Juan 16:20

Ibabagak ed sikayoy katwaan: mannangis tan manermen kayo, balet manliket so sankamundoan. Manermen kayo, balet magmaliw a liket so ermen yo.

Isaias 61:10

Manliket so Jerusalem lapud ginagawa na Katawan. Sikatoy singa nubian akasolung na kawes a para kasal to. Say Dios kinawesan to na kilalaban tan pananalo.

2 Saray Awaran 20:9

a no ondalan ed sikaray bengatlan manderal, a singa say bakal, salot, odino eras makakar iran manalagey ed arap na sayan Timplo a pangigagalangan ed sika. Makapampikasi rad sika lapud kagugunigon da, et dengelen tan iyagel mo ra.

Isaias 25:3

Saray totood makapanyarin bansa et idayew da ka; takotan ka na saray totoo ed saray siudad da ray maruksan bansa.

Ester 9:22

Sarayan agew so impamaandi na saray Judio ed saray kalaban da tan sikato yay bulan a nagmaliw a panaon na liket tan gayaga so panaon na ermen tan inkaandiay ilalo. Nibagad sikara a diad sarayan agew mampoponsia, manliliket tan maniiteran ira na saray rigalon kakanen tan itdan da met iray mairap-bilay.

Nehemias 8:10

Sempet ki la ta mampista kayo. Iyapag yod saray kulang so paraan iray kakanen tan alak yo. Masanto yan agew ed Katawan tayo, kanyan ag kayo maneermen. Pabiskegen kayo na liket ya iter ed sikayo na Katawan.”

Genesis 45:28

Insan inkuanto, “Mabilay niy anak kon Jose! Anto niy kerewen ko? Nakaukolan ya onla ak, pian nanengneng ko kasakbayan na ipatey ko.”

Genesis 37:35

Dinmagon amin iray anak ton lalaki tan bibii a manligliwad sikato, balet ag to labay so naligliwa tan inkuanto, “Anggan wala ak lad pasen a panaayaman da ray inaatey, panermenan ko ni so anak ko.” Kanyan ag to tinondaan ya inermenan si anak ton Jose.

2 Saray Awaran 20:3

Ataktakot si Josafat kanyan kinerew ton iwanwan na Katawan. Insan to ingganggan a nagaway ayuno ed intiron bansa.

Saray Salmo 27:7

Dengel mo ak pa, Katawan, no ontawag ak ed sika! Kasian mo ak tan ebatan mo ak pa!

Jeremias 52:33

Kanyan naabuloyan si Joakin a salatan toy kawes ton kawes na priso, mirongo ed ari kapag panangan legay impanbilay to ni.