Saray Salmo 29:8 - Maung A Balita Biblia

⁸ Say bosis na Katawan yeyegyegen toy kalawakan; yeyegyegen to so kalawakay Cades.

Maung a Balita Biblia

⁸ Say bosis na Katawan yeyegyegen toy kalawakan; yeyegyegen to so kalawakay Cades.

Saray Salmo 29:8 Referans Kwoze

Saray Bilang 13:26

ed kindi Moises, Aaron, tan amin ya Israelita diad Kades ed kalawakan na Paran. Imbalita ra so anengneng da tan impanengneng da ra may bungay kiew ya insempet da.

Isaias 13:13

Diad agew a siak, say Katawan a Makapanyarin-amin, et ipanengneng koy pasnuk ko, yakayaken koy katawenan tan yegyegen koy mundo pian naekal ed pasen to.

Saray Salmo 46:3

anggan unungol tan ondaluyon na ankakabaleg iray dayat, tan onggalaw iray kapokdulan lapud biskeg na saman a yegyeg.

Saray Salmo 18:7

Insan ginmiwgiw tan yinmegyeg so dalin; ginmalaw tan ayegyeg iray pundasion na kapalandeyan tan amasnuk so Dios.

Say Libro nen Job 9:6

Yegyegen to so dalin yakayaken toy lusek na mundo.

Saray Hebreo 12:26

Diad saman a panaon, niyegyeg na bosis toy dalin, balet insipan to natan, “Maminsan nin yegyegen ko, tan aliwa labat a say dalin no ag pati say tawen.”

Aggeo 2:21

“Laka ta ibagam ed kinen Zorobabel a gobirnador na Juda, ya onyay kuankod sikato, ‘Ngalngalik la yegyegen so tawen tan dalin;

Aggeo 2:6

“Ag mabayag yegyegen koy tawen tan say mundo, say dalin tan say dayat.

Joel 3:16

Unungol a manlapud Palandey na Sion so Katawan; say bosis to onkarul a manlapud Jerusalem; nayakayak iray katawenan tan nayegyeg so dalin. Balet iyagel to ray totoo to.