Saray Salmo 29:4 - Maung A Balita Biblia

⁴ Narerengel so bosis na Katawan, say bosis ton makapanyari tan napnoy kagalangan.

Maung a Balita Biblia

⁴ Narerengel so bosis na Katawan, say bosis ton makapanyari tan napnoy kagalangan.

Saray Salmo 29:4 Referans Kwoze

Ezekiel 10:5

Say parakpak na saray payak da ra may pinalsa et nadngel ya anggad paway na patio. Singa bosis na Dios a Makapanyarin-amin so tanul da.

Saray Salmo 68:33

say manloglogan ed tawen, say tawen ya abaybayag lan niwala! Dengel kayod eyag ton makapanyari.

Saray Salmo 33:9

Nen nansalita, apalsay mundo; nen nangganggan, linmesay amin a bengatla.

Lucas 4:36

Mankelaw ira ya amin tan nantetepetan ira, “Anto ra ya kasin salita? Walay pakaoley tan pakayari to yan too a mangganggan ed saray maoges ya ispiritu, et oonuren da!”

Isaias 66:6

Dengel kayo! Saman a baleg a tanul ed siudad, saman ya eyag ed Timplo et eyag na Katawan a manudusa ed saray kalaban to!

Lucas 8:25

Insan kuantod saray disipulo, “Iner so kawalaay pananisia yo?” Balet mankelaw tan natatakot ira, tan inkuandad sakey tan sakey. “Siopa kasi yan too et igganggan toy anggan say bagyo tan saray daluyon, et ontotoluk irad sikato?”

Saray Salmo 68:34

Ibawag yoy pakayariy Dios; walad intiron Israel so kagalangan to, tan walad saray katawenan so pakayari to.

Saray Salmo 93:4

Manaarid tawen so Katawan, matalonggaring ni nen say ungol na dayat tan makapanyari ni nen saray daluyon.

Isaias 30:30

Iparengel na Katawan ed balang sakey so mapagalang a bosis to tan ipalikna tod sikaray biskeg na pasnuk to. Wala ed satan so manliub ya apoy, ompelag iray makapal a lorem, oran a kristal, tan mapalalon nepnep.

Amos 1:2

Inkuanen Amos, “Unuungol a manlapud Sion so Katawan; onkakarul a manlapud Jerusalem so bosis to. Namamagaan iray pastolan tan ompapatey iray dika ed Palandey na Carmelo.”