Saray Salmo 28:3 - Maung A Balita Biblia

³ Ag mo ak pa pidudusad saray totoon maoges, totoon managgaway kaogsan— saray totoon maung so pitotongtong dad kapara ran too, balet walay bosul ed kapusoan da.

Maung a Balita Biblia

³ Ag mo ak pa pidudusad saray totoon maoges, totoon managgaway kaogsan saray totoon maung so pitotongtong dad kapara ran too, balet walay bosul ed kapusoan da.

Saray Salmo 28:3 Referans Kwoze

Saray Salmo 55:21

Marlas a singa mantikilya so panagsalita to, balet napnoy panagbosul so puso to; singa larak a panagpoyuk iray salita to, balet matdem iran singa ispada.

Saray Salmo 12:2

Mantitilaan la ray totoo; manlolokowan tan mampapalikdowan ira.

Saray Salmo 26:9

Ag mo ak pa pidudusad saray makasalanan; ipaliis mo ak pad pansumpalan da ray managpatey na too—

Mikias 3:5

Saray totook et apalikdo ra na saray propitan mangisisipan na kareenan ed saray mambabayar ed sikara, balet tataktakoten dad bakal iray ag mambabayar. Say Katawan kuantod sarayan klasiy propita,

Mateo 25:41

“Insan ikuantod saray walad nikawigi to, ‘Arawi kayod siak, sikayo ran insambay Dios! Lakayod apoy ya andi-anggaan a niparaan ed Diablo tan saray anghil to!

Saray Salmo 62:4

Labay yo labat ya iyabeban manlapud matalonggaring a kipapasen to; panliliketan yo ray tila. Mansasalita kayoy panamindision, balet isasamba yo ed dalem na kapusoan yo.

Saray Salmo 36:4

Mangiplaplanoy maoges no mandokdokul; anggapoy maung a gagawaen to; ag ton balut ipopolisay so kaogsan.

Saray Salmo 10:14

Balet nanaimatunan mo; nanaimanom so kairapan tan say kaermenan, et sipaparaan ka lawas ya ontulong. Say pakaskasin too imamatalek toy sikaton dili ed sika; tulongan mo lawas iray mankakaukolan.

Saray Salmo 7:14

Imanom so pannununot na totoon maoges ed kaogsan; iplaplano ray panggawa ray golo tan say pamalikdo ra.

Mateo 25:46

Sikara ya sirin so onlad dusan andi-anggaan; saray matonung so panagbilay da sikaray onlad bilay ya andi-anggaan.”

Saray Salmo 52:1

O toon makapanyari, akin et ilalastug moy kaogsan mo? Anggad angga so inkatoor na Dios.

Saray Salmo 10:7

Napno na ayew, tila, tan taktakot iray balikas to; marlas a mansalitay ansakit tan maoges.

Saray Bilang 16:26

Inkuanen Moises ed saray totoo, “Arawian yo ray tulda na sarayan maoges a totoo tan ag yo didiwiten so antokaman a kayaryan da. Ta no diwiten yo, nakaiba yo ran naandipat lapud saray amin a kasalanan da.”

Saray Salmo 141:4

Iyarawi mo ak pad pampilalek a manggaway maoges, o diad pikasakey ed kaogsan na saray totoon maoges. Ag ak komun mibabalid saray pista ra.