Saray Salmo 28:2 - Maung A Balita Biblia

² Dengel mo ak pa no onkerew ak ed sika na tulong, no iyatagey ko ray limak tan iyarap ko rad masanton Timplom.

Maung a Balita Biblia

² Dengel mo ak pa no onkerew ak ed sika na tulong, no iyatagey ko ray limak tan iyarap ko rad masanton Timplom.

Saray Salmo 28:2 Referans Kwoze

Saray Salmo 138:2

Ondadakmomo ak ed arap na masanton Timplom tan idadayew koy ngaran mo, lapud ag mangoman a panangarom tan katooran mo, ta impanengneng mon sankatageyan so ngaran mo tan saray ganggan mo.

Saray Salmo 141:2

Awat mo pan singa insinso so pikakasik, tan saray akatagey a limak a singa bagat no labi.

1 Timoteo 2:8

Labay kon saray lalakid inerman a pasen et mampikasi ra, saray lalakin matoor ed Dios, anggapoy iirapen day linawa tan anggapoy kakolkol da.

Saray Salmo 140:6

Kuankod Katawan, “Sikay Dios ko.” Dengel mo pay ikekerew ko na tulong, O Katawan!

Saray Salmo 134:2

Diad Timplo itagey yoy kalimaan yo a mampikasi, tan idayew yoy Katawan!

Saray Salmo 5:7

Balet siak, nayarian koy onloob ed abung mo lapud ag mangoman a panangarom; nayarian koy mangigalang ed masanton Timplom, tan mandakmomo ed sika a pangigalang ko.

Daniel 6:10

Nen naamtaan nen Daniel ya apirmaan la may ganggan, sinmempet lad abung. Diad sakey a kuartod tagey na abung to, wala ray bintana ya akaarap ed Jerusalem. Onung na gagawaen to lawas, mamitlod sanagew a tinmalimukor a nampikasi tan akisalamat ed Dios to.

Saray Tagleey 2:19

Diad sanlabi liing-liing kan ontawag ed Katawan; Walwalan moy pusom tan kerew mod sikato a kasian to ray anak mo— Saray anak ya ompapatey ed eras diad balang sokung na daladalan!

Saray Salmo 143:6

Itatagey ko ray limak a mampikasid sika; singa amagan dalin a napgaan ed sika so kamarerwak.

Saray Salmo 125:5

Balet dusam pa met iray mangoonur na maoges a kaliktan da, no dusaen mo ray manggagaway kaogsan. Manari komun ed Israel so kareenan!

Saray Salmo 63:4

Misalamat ak ed sika leleg kon mambibilay; itagey ko ray limak a mampikasid sika.

2 Saray Awaran 6:13

Nanggaway Solomon na gansan intablado tan inyan tod pegley na patio. Duara tan kapalduan mitro a kuadrado so kabaleg to tan sakey tan kapalduan mitro so kaatagey to. Sinmapat ed sayan intablado, tinmalimukor ed pasen a nanengneng na balang sakey, insan to inyatagey ed tawen iray lima to.)

1 Saray Arari 8:38

dengel mo pa ray pikakasi ra. No siopaman ed saray totoom ya Israelita, odino amin da, et iyonat day kalimaan da ed sayan Timplo diad pampikasi ra lapud impapuson ermen da,

1 Saray Arari 6:19

Agawa so bandad dalem a kuarto ed beneg na dalem na Timplo, tan diay getma ran panginan na Kaban na Sipanan na Katawan.

1 Saray Arari 6:5

Wala ray kuarton nisuldong ed nantopag a dapag na padir na Timplo, ontan to met ed beneg na Timplo. Taloran grado ra yan kuarto; balang grado duara tan kapalduan mitro so kaatagey to.

Saray Salmo 130:2

Dengel mo pay tagleey ko, Katawan, talineng mo pay ikekerew koy tulong!

Saray Salmo 141:1

Ontatawag ak ed sika, Katawan; tulongan mo ak pa natan! Dengel mo ak pa no ontawag ak ed sika.

Daniel 6:11

Nen anengneng na saramay kalaban nen Daniel a mampipikasid Dios to,