Saray Salmo 26:8 - Maung A Balita Biblia

⁸ Katawan, inarok so abung a panaayaman mo, say pasen a kawalaay kagalangan mo.

Maung a Balita Biblia

⁸ Katawan, inarok so abung a panaayaman mo, say pasen a kawalaay kagalangan mo.

Saray Salmo 26:8 Referans Kwoze

Lucas 2:49

Inmebat ed sikara, “Akin et inanap yo ak sirin a? Ag yo ta amtan nakaukolan a wala ak ed abung na Amak?”

Lucas 2:46

Kayariy taloy agew, nalmo rad dalem na Timplo. Akayorung ed pegley da ray mamaistro, onderengel ed sikara tan tetepetan to ra.

Isaias 38:22

Tinepet nen Ari Ezekias, “Antoy pakapatnagan a mamaneknek a makaonla ak ed Timplo?”

Isaias 38:20

Katawan, pinaabig mo ak. Manogtog kami na saray arpa tan mankanta kamiy dayew mo. Diad Timplom mankanta kamiy pangidayew legan na pambilay mi.

Saray Salmo 122:9

Lapud abung na Katawan a Dios tayo, pikakasik so iyaligwas mo.

Saray Salmo 84:10

Say sanagew a panayam ed Timplom et magmaung ni nen say sanlibon agew a panayam ed arum a pasen; labay ko niy manalagey ed puirtay abung na Dios ko, nen say manayam ed tulda na saray totoon maoges.

Saray Salmo 42:4

Onsasakit so pusok kapag nanununotan ko ray agawa nen saman, nen kaibak iray karaklan a linmad abung na Dios, tan inwanwan ko rad panaakar da; malikeliket iran mankankanta tan maneeyag na dayew ed Dios.

1 Saray Awaran 29:3

Aliwan saraya labat so imparaan ko; angiter ak ni na saray dilin pilak tan balituk ko lapud panamablik ed Timplo na Dios ko.

2 Samuel 15:25

Insan inkuan na ari ed kinen Sadoc, “Ipawil mo lad siudad so Kaban na Sipanan. No maung so linawa na Katawan ed siak, papawilen to ak a nengnengen ko tan say pasen a kawalaan to.

2 Saray Awaran 7:1

Nen asumpal nen Solomon so pikakasi to, pinmelag a nanlapud tawen so apoy tan pinoolan to ray bagat ya insasaklang. Insan say Timplo napno na kagalangan na Katawan.

2 Saray Awaran 7:2

Ag makaloob iray papari, lapud napno na kagalangan na Katawan so Timplo.

Ezekiel 3:12

Insan intagey ak na ispiritu na Dios, tan nadngel kod nibeneg ko so maksil tan manungol a bosis a kuanto, “Nadayew komun ed tawen so kagalangan na Katawan!”