Saray Salmo 26:1 - Maung A Balita Biblia

¹ Katawan, ibawag mo pan anggapoy kasalanan ko, ta maung iray gagawaen ko tan sigput so panmamatalek kod sika.

Maung a Balita Biblia

¹ Katawan, ibawag mo pan anggapoy kasalanan ko, ta maung iray gagawaen ko tan sigput so panmamatalek kod sika.

Saray Salmo 26:1 Referans Kwoze

Saray Salmo 28:7

Say Katawan so biskeg tan manangyagel ko, imamatalek kod sikato so bilay ko. Tutulongan to ak tan pagagayagaen to ak; idayew ko diad panamegley na saray maliket a kanta.

Saray Salmo 7:8

Sikay huis na amin a katoowan. Sintinsiaan mo ak pa, O Katawan, onung ed inkatonung tan inkamaung kon too.

Probirbio 20:7

Mapalar iray anak a say ama ra et matwa tan gagawaen toy kaptekan.

Saray Salmo 21:7

Manmamatalek so ari ed Katawan; lapud ag mangoman a panangaro na Sankatageyan a Katawan, niarawi lawas ed kaatapan.

2 Saray Arari 20:3

“Nunot mo pa, Katawan, a matoor tan masimoon so impanlingkur kod sika, tan sinumpal ko lawas iray labay mon pagawad siak.” Insan inggapo toy nanakis na ampaipait.

1 Samuel 24:15

Say Katawan so manintinsia, tan ibaga to no siopad sikatay manggagaway kaogsan. Ag to ya komun paolyan, siak komuy iyalagey to, tan iyagel to ak ed sika.”

2 Pedro 1:10

Kanyan agagi, bangta tinawag tan pinili kayoy Dios, pansesegan yoy malet a pansiansia yo ed sayan kipapasen; no gawaen yo ya, ag yon balut ikaindan so pananisia yo.

1 Pedro 1:5

Lapud mananisia kayo, sasalimbengan kayo na pakayariy Dios legan yon aalagden so kilalaban ya akaparaan lan nipaamta ed kaonuray panaon.

Saray Hebreo 10:23

Paeleten tayoy ilalo tayo tan ag tayo mapaga, ta matoor so Dios a nansipan ed sikatayo.

2 CORINTO 1:12

Sikato yay nayarian mi ya ikinon: paneknekan na konsinsia mi a masanto tan anggapoy pankonkonwari so pipiolup mid sankamundoan, lautlad pipiolup mid sikayo. Onyay pambibilay mi, lapud baleg a panangaroy Dios, aliwan lapud kakabatay too.

Probirbio 29:25

Maatap so bilay mo no pibabalian mo so nununoten na saray totoon nipaakar ed sika, balet arawi kad kaatapan no manmatalek kad Katawan.

Saray Salmo 121:3

Ag to iyabuloy a natumba ka; abangon lawas so manangyagel mo!

Saray Salmo 94:18

Kuanko, “Natutumba ak”; balet inampaya ak na ag mangoman a panangarom, O Katawan.

Saray Salmo 62:6

Sikato labat so mangyaagel tan mangilalaban ed siak; sikatoy manangyagel ko, et ag ak balut natalo.

Saray Salmo 62:2

Sikato labat so mangyaagel tan mangilalaban ed siak; sikatoy manangyagel ko, et ag ak balut natalo.

Saray Salmo 54:1

Lapud pakayarim, O Dios, ilaban mo ak pa; lapud biskeg mo, iliktar mo ak pa!

Saray Salmo 43:1

O Dios, ibawag mo pan anggapoy kasalanan ko, tan ikatonungan mo ak pad saray totoon ag mamibirbir ed Dios; iliktar mo ak pad saray totoon matitila tan maoges!

Saray Salmo 37:31

Walad puso toy ganggay Dios to, tan ag ton balut sisianan.

Saray Salmo 35:24

Katawan a Dios ko, matonung ka, kanyan ibawag mon anggapoy kasalanan ko; ag mo iyaabuloy pa ya elek-elekan ak na saray kalaban ko.

Saray Salmo 31:14

Balet, manmamatalek ak ed sika, Katawan; sikay Dios ko.

Saray Salmo 26:11

Siak balet, maung so gagawaen ko; kasian tan ilaban mo ak pa!

Saray Salmo 25:21

Iyagel ak komun na kaabigan tan kaptekan ko, ta manmamatalek ak ed sika.

Saray Salmo 25:2

manmamatalek ak ed sika, O Dios ko. Ag mo pa iyaabuloy a nabaingan ak lapud katalok; ag mo pa met iyaabuloy ya elek-elekan ak na saray kalaban ko!

Saray Salmo 15:2

Say toon oonuren toy Dios, tan kamaungan lawas so gagawaen to, tua tan napanmatalkan iray salita to,

Saray Salmo 4:5

Mangisaklang kayo na saray dugan bagat tan manmatalek kayod Katawan.

1 Samuel 2:9

“Iyagel toy bilay da ray totoo ton matoor, balet naandipat ed kabilongetan iray totoon maoges; ag manalo so too lapud biskeg ton dili.

Say Libro nen Job 2:3

Tinepet na Katawan, “Naimanom si aripen kon Job? Anggapoy miparad sikato. Anggapoy pakabalawan ed sikato, matonung, walay takot tod siak, tan aarawian toy kaogsan. Tinanggoyur mo ak ya abuloyan ta kan maneral ed sikato anggaman ya anggapoy makasengeg, balet matoor nin siansia.”

Say Libro nen Job 4:6

Walay takot mo ed Dios, tan anggapoy pakabalawan ed sika; nepeg a walay talek tan ilalom.