Saray Salmo 25:6 - Maung A Balita Biblia

⁶ Katawan, nunot mo pay panangasim tan say ag mangoman a panangarom ya abayag mo lan impanengneng.

Maung a Balita Biblia

⁶ Katawan, nunot mo pay panangasim tan say ag mangoman a panangarom ya abayag mo lan impanengneng.

Saray Salmo 25:6 Referans Kwoze

COLOSAS 3:12

Sikayo ray piniliy Dios, masanto tan inararo to. Kanyan nepeg kayon maaro, mapangasi, mapaabeba, maoyamo, tan maanos.

Saray Salmo 103:17

Balet mansiansian anggad angga so panangaroy Katawan ed saray mangigagalang ed sikato, tan magnayon ed amin a kailalakan so kaabigan to,

Lucas 1:50

ipanengneng toy panangasi to ed amin da ray mangigagalang ed sikato, manlapud sakey a kailalakan ya anggad ontombuk iran kailalakan.

Lucas 1:78

Maaro tan mapangasiy Dios tayo. Iwandag toy maliwliwawan agew na kilalaban ed sikatayo,

2 CORINTO 1:3

Igalang tayoy Dios tan Ama na Katawan tayon Jesu-Cristo, say mapangasin Ama tan Dios a panlalapway amin a ligliwa!

Jeremias 33:11

iray eyag na liket tan gayaga, tan say tanul na sayaksak ed saray bansal. Narengel yo ray totoon mankanta legan dan mangibabagat ed Timplok na pisasalamat; ikuanda, ‘Misalamat kayod Katawan a Makapanyarin-amin, ta sikato et maung, tan ag mangangga so panangaro to.’ Paaligwasen ko yan dalin a singa samay kipapasen to nen saman. Siak, say Katawan, so nansalita.”

Isaias 63:15

Katawan, manlapud tawen a panaayaman mo ed inkasantom tan kagalangan mo, nengneng mo kami pa. Iner so kawalaay baleg a panangimasakit mod sikami? Iner so kawalaay pakayarim? Kawalaay panangarom tan panangasim? Ag mo kami pa ibebeneg.

Saray Salmo 98:3

Sinumpal toy insipan tod saray totood Israel, a katekep toy ag mangoman a panangaro tan say inkatoor tod sikara. Anengneng na amin a katoowan so impanalo na Dios tayo.

1 Juan 3:17

No mayaman so sakey a too tan sankanengneng ton maniirap so agi to et ag to kasian a tulongan, panoy pangibaga ton inaro toy Dios?

FILIPOS 1:8

Kabat na Dios a say pampilpilalek kon makapinengneng ed sikayo et manlalapud dilin panangaro nen Cristo Jesus.

Lucas 1:54

Sinumpal toy insipan tod saray lalaki tayo, diad impanulong tod aripen ton Israel;

Jeremias 31:20

“Israel, sikay pinablik ya anak, say anak kon inararo. Kapag bitlaen koy ngaran mo, nununoten ta ka a katekep na panangaro. Milmilay linawak ed sika; andi-duaruwan kasian ta ka.

Isaias 55:7

Saray makasalanan a totoo et ibeneg da komun so kabibilay da tan omanen day panagnunot da. Ompawil ira komun ed Katawan a Dios tayo, ta mapangasi tan sipaparaan a mamirdona.

Saray Salmo 119:77

Kasian mo ak pa, et mambilay ak, ta makaliliket ak ed ganggan mo.

Saray Salmo 107:1

“Misalamat kayod, Katawan, ta sikato et maung; andi-anggaan so panangaro to!”

Saray Salmo 106:45

Lapud sikara, anunotan toy impisipanan to, tan lapud baleg a panangaro to nansalat na kanunotan.

Saray Salmo 106:1

Idayew yoy Katawan! Misalamat kayod Katawan, ta sikato et maung; andi-anggaan so panangaro to.

Saray Salmo 103:4

Iyaagel to ak ed lobuk, tan ibibindision tod siak so panangaro tan panangasi.

Saray Salmo 69:16

Ebatan mo ak pa, O Katawan, lapud kaabigay ag mangoman a panangarom; lingaw mo ak pa, lapud baleg a panangasim!

Saray Salmo 69:13

Balet siak, mampikasi ak ed sika, O Katawan; ebatan mo ak pa, O Dios, ed labalabay mon panaon. Ebatan mo ak pa, lapud balbaleg a panangarom, lapud matoor kad sipan mo a mangilaban.

Saray Salmo 40:11

Katawan, amtak ya ag mon balut tondaan so pangakasim ed siak! Say ag mangoman a panangarom tan say katooran mo et iyarawi da ak lawas ed kaatapan.

Nehemias 9:19

Balet ag mo ra inkaindan dimad kalawakan, lapud baleg so panangasim. Ag mo pinaandi imay lorem odino samay apoy ya angiwanwan ed sikara no labi tan no agew diad impankurang da.

2 Saray Awaran 6:42

Katawan a Dios, ag mo komun ipopolisay so ari a pinilim. Nudnunot mo pa may ag mangoman a panangarom ed kinen David ya aripen mo.”

Exodo 34:6

Say Katawan ed satan linmabas ed arap nen Moises tan imbawag to, “Siak a Katawan so sakey a Dios a maaro tan mapangasi; aliwa ak a maipapasnuk tan napno ak na baleg a panangaro tan katooran.

Exodo 15:13

Saray totoom ya inyagel mo et inwanwan mo ra lapud ag mangoman a panangarom; diad panamegley na biskeg mo inwanwan mo ran amaarap ya anggad masanton dalin mo.

Genesis 32:9

Insan nampikasiy Jacob, “Dios nen lakik ya Abraham tan Dios nen amak ya Isaac, dengel mo ak pa! Imbagam ed siak, Katawan, ya ompawil ak ed dalin ko tan saray kakanayon ko, tan ag mo ak paolyan pian maung so pansumpalan ko.

Genesis 24:27

Inkuanto, “Nadayew komuy Katawan a Dios na amok ya Abraham; tinoor toy sipan tod kinen amok. Say Katawan inwanwan to ak a linma ed saray dilin kakanayon nen amok.”

FILIPOS 2:1

Pabibiskegen kayo kasiy bilay yod Cristo? Liligliwaen kayo kasiy aro to? Wala kasiy pikakasakey yod Ispirito? Mankakasiyan tan manaarowan kayo kasi?

Nehemias 13:22

Ingganggan ko ray Levita a linisan day sikaran dili onung ed ganggan, insan ira onlan mangguardiad saray puirta pian naasikaso ran masanto lawas so Agew na Panagpainawa. Nudnunot mo ak pa, O Dios, lapu met ed saya, tan ag mo ak papaolyan lapud kabaleg na ag mangoman a panangarom.

Daniel 9:18

Dengel mo kami pa, O Dios; nengneng mo kami tan imanom so gunigon mi tan say paniirap na siudad ya atawag ed ngaran mo. Mampipikasi kamid sika, aliwan lapud matonung kami no ag ingen lapud mapangasi ka.

Habacuc 3:2

O Katawan, nadngelan ko so ginagawam, et mapalaloy pankelaw ko. Diad sayan panaon mi gawam pa natan ira may makapakelaw a ginagawam nen saman. Mangasi ka pa, anggan mamapasnuk ka.