Saray Salmo 25:11 - Maung A Balita Biblia

¹¹ Sumpal mo pay sipan mo, Katawan, tan pirdonam pa ray kasalanan ko, ta amayamay la ra.

Maung a Balita Biblia

¹¹ Sumpal mo pay sipan mo, Katawan, tan pirdonam pa ray kasalanan ko, ta amayamay la ra.

Saray Salmo 25:11 Referans Kwoze

Saray Salmo 79:9

Tulongan mo kami pa, O Dios, tan ilaban mo kami pa; iyagel mo kami pa tan pirdonam pa ray kasalanan mi, lapud kagalangay ngaran mo.

1 Juan 2:12

Susulaten ta kayo, anak, ta apirdona la ray kasalanan yo lapud ngaran-nen Cristo.

Saray Salmo 31:3

Sikay salimbengan ko tan say tirinsirak; iwanwan tan itonton mo ak pa onung na insipan mo.

Isaias 43:25

Anggaman ontan, siak so Dios a mamipirdonad saray kasalanan mo, et onyay gagawaen ko lapud inka-Dios ko. Ag ta ka singilen ed saray kasalanan mo.

Saray Taga Roma 5:15

Balet nandomaan ira yan dua, ta ag namparay panangaroy Dios tan say kasalanan nen Adan. Tua a dakel so totoon inaatey lapud kasalanay sakey a too. Balet lalon baleg so panangaroy Dios tan say rigalon inter tod amayamay a totoo diad panamegley na baleg a panangaro na sakey a too—si Jesu-Cristo.

Ezekiel 36:22

“Natan sirin, salitam ed saray Israelita yan ibabagak ed sikara, siak a Katawan a Dios: Say gawaen ko et aliwan sikayoy makasengeg, Israelita, no ag ingen say masanton ngaran ko ya impelag yod kababaingan diad iner man a bansan nila yo.

Ezekiel 20:9

Balet ag ko ginawa, bangta makapangyepas iman na kagalangan na ngaran ko, ta diad imatun na saray totoon pipiayaman da nen saman, imbawag kod Israel ya ipaway ko ra ed Egipto.

Isaias 48:9

“Pian idayew na saray totoo so ngaran ko, popokpokan koy pasnuk ko, ag ko la idapo tan ag ta kayo la pateyen.

Saray Salmo 109:21

Balet Katawan kon Dios, tulongan mo ak pa onung ed insipan mo, tan iyagel mo ak pa lapud kaabigay panangarom.

Saray Salmo 143:11

Iyagel mo ak pa Katawan, onung na insipan mo; lapud inkatonung mo agwat mo ak pad saray gunigon ko!

Exodo 34:7

Tooren koy sipan kod saray libo-libon kailalakan tan pirdonaen koy kaogsan tan kasalanan; balet dusaen kon dusaen iray anak tan apo, anggad kumatlo tan kumapat a kailalakan, lapud saray kasalanan na saray atateng da.”

Jeremias 14:7

Ontatawag ed siak iray totook, ‘Anggaman ya aakusaen kami na saray kasalanan mi, tulongan mo kami pa, Katawan, onung na insipan mo. Amimpiga kamin inmarawid sika; nankasalanan kamid sika.