Saray Salmo 25:10 - Maung A Balita Biblia

¹⁰ Katekep na aro tan katooran so pangiwawanwan tod saray manusumpal na impisipanan to tan saray ganggan to.

Maung a Balita Biblia

¹⁰ Katekep na aro tan katooran so pangiwawanwan tod saray manusumpal na impisipanan to tan saray ganggan to.

Saray Salmo 25:10 Referans Kwoze

Santiago 5:11

Ipasen tayon maliket ira, ta nanaanos ira. Nadngelan yoy impananos nen Job tan amta yo so ginaway Katawan ed sikato diad kaonuran, ta maaro tan mapangasin maung so Katawan.

Saray Taga Roma 8:28

Amta tayo a diad amin a bengatla gagawaen na Dios so pankaabigan na amin da ray mangaarod sikato, a salanti saray tinawag na Dios onung ed linawa to.

Saray Salmo 40:11

Katawan, amtak ya ag mon balut tondaan so pangakasim ed siak! Say ag mangoman a panangarom tan say katooran mo et iyarawi da ak lawas ed kaatapan.

Juan 1:17

Inter na Dios so Ganggan ed panamegley nen Moises, balet say aro tan katwaan sinmabid panamegley nen Jesu-Cristo.

Saray Salmo 91:14

Kuay Dios, “Ilaban ko ray mangaarod siak, tan iyagel ko ray mamibirbir ed siak a Katawan.

Saray Taga Roma 2:13

Ta aliwan saray ondengel na Ganggan so matonung ed arap na Dios, no ag ingen saray mangonur na Ganggan.

Saray Hebreo 12:14

Gawa yoy anggaay nayarian yo a mikaarod amin a too tan mampasanto kayo, ta no ag ya gawaen na siopaman, ag to nanengneng so Katawan.

Saray Gawgawa 10:35

Pakaliketay Dios so siopaman a walay takot ed sikato tan manggaway inkatonung, anggan antoy bansa to.

Juan 1:14

Nagmaliw a too so Salita tan akiayam ed sikatayo. Anengneng miy kagalangan to a napnoy aro tan katwaan. Inawat to yan kagalangan ed Ama, ta sikatoy bogbogtung ya Anak.

Sofonias 2:3

Singger kayod Katawan, amin yon mapaabeban totoo ed bansa, sikayon manusumpal na saray ganggan to. Manggawa kayo na kaptekan, tan mampaabeba kayo ed arap na Katawan. Angangko napaliisan yoy dusa no agew ya idapo na Katawan so pasnuk to.

Isaias 43:2

No ondalan kad aralem a danum, wala ak ed sika; ag ka natabunan na saray gunigon mo. No ondalan kad apoy, ag ka napoolan; ag ka napasakitan na saray ambelat a subok ya onsabid sika.

Isaias 25:1

Katawan, sika so Dios ko; Igalang ta ka tan idayew koy ngaran mo. Makapakelaw iray ginagawam a bengatla; matoor mon sinumpal iray plano ya abayag lan ninunot mo.

Saray Salmo 98:3

Sinumpal toy insipan tod saray totood Israel, a katekep toy ag mangoman a panangaro tan say inkatoor tod sikara. Anengneng na amin a katoowan so impanalo na Dios tayo.

Saray Salmo 89:14

Say panarian mo niletneg ed inkatonung tan kaptekan; nanengneng ed amin a gagawaen mo so aro tan inkatoor mo.

Saray Salmo 85:10

Manabet so panagaro tan inkatoor; ontan met a manlakapan so inkatonung tan kareenan.

Saray Salmo 57:3

Manlapud tawen ebatan to ak tan ilaban to ak; taloen to ray mamapairap ed siak. Ipanengneng na Dios ed siak so ag mangoman a panangaro to tan say inkatoor to.

Saray Salmo 50:23

Say pisasalamat so bagat a mangigagalang ed siak, tan andi-saew ya ilaban kon amin iray mangoonur ed siak.”

Saray Salmo 33:4

Tua ray salita na Katawan, tan napanmatalkan ya amin iray gawgawa to.

2 Samuel 15:20

Aganggano ka nin manaayam dia, kanyan akin et panakar-akaren ta kan kaibak? Ag ko anggan amta no iner so laen ko. Pawil ka la tan itagar mo la ra tay kabansaan mo. Mapangasi tan matoor komun so Katawan ed sikayo.”

Genesis 24:27

Inkuanto, “Nadayew komuy Katawan a Dios na amok ya Abraham; tinoor toy sipan tod kinen amok. Say Katawan inwanwan to ak a linma ed saray dilin kakanayon nen amok.”

Genesis 17:1

Nen mantaoy siamaplo tan siam si Abram, pinmanengneng ed sikato so Katawan tan inkuanto, “Siak so Dios a Makapanyarin-amin. Toluk kad siak tan gawam lawas so kamaungan.

Genesis 5:24

Nambilay a kaiba toy Dios, insan naandipat, ta inalay Dios.

Oseas 14:9

Talusan komun na saray makabat iray nisulat dia, tan dalepdepen dad puso ra. Maptek iray dalan na Katawan, tan pankukurangan ira na saray matonung a totoo, balet katutumbaan na saray makasalanan lapud ipopolisay da ra.

Saray Salmo 138:7

Anggan aliber ak na saray gunigon, iyaarawi mo ak ed kairapan; Susumlangen mo ray mamapasnuk a kalaban ko, tan ilalaban mo ak diad panamegley na pakayarim.