Saray Salmo 24:1 - Maung A Balita Biblia

¹ Kayaryay Katawan so mundo tan amin a logan to; kien toy dalin tan amin a manaayam ed dalin.

Maung a Balita Biblia

¹ Kayaryay Katawan so mundo tan amin a logan to; kien toy dalin tan amin a manaayam ed dalin.

Saray Salmo 24:1 Referans Kwoze

Saray Salmo 89:11

Kayaryan moy tawen tan say dalin; pinalsam so mundo tan amin a logan to.

1 CORINTO 10:26

Ta ibabagay Masanton Sulat, “Kayaryan na Katawan so mundo tan amin a logan to.”

1 Saray Awaran 29:11

Kayaryan mo, Katawan, so talonggaring, pakapanyari, pananalo, kagalangan, tan tanduro. Kayaryan moy amin a bengatlad tawen tan diad dalin. Sika so ari tan sankatageyan a manoley ed ganagana.

Say Libro nen Job 41:11

Siopay ondogpad sikato ya ag narisgo? Anggapoy anggan sakey diad intiron mundo.

Deuteronomio 10:14

Kayaryan na Katawan so anggan saray sankatageyan a katawenan; kayaryan to met so mundo, tan amin a logan to.

Exodo 9:29

Inkuanen Moises ed sikato, “Kapaway kod siudad, iyatagey ko ray limak diad pampikasik ed Katawan. Ontonday karul, tan naandi la ray kristal, pian naamtaan mo a kayaryan na Katawan so mundo.

Exodo 19:5

Natan, no onuren yo ak tan sumpalen yoy impisipanan ko, magmaliw kayon dilin totook. Kayaryan koy sankamundoan, balet magmaliw kayon pinilik a totook.

Nahum 1:5

Diad arap na Katawan nayeyegyeg iray kapalandeyan; natotonaw iray kapokdulan. Nayeyegyeg so dalin no ompapatnag so Katawan; manggiwgiw so mundo tan amin da ray katoowan.

Saray Salmo 50:12

“No bilang naerasan ak ag ak mialad sikayoy kanen ko, ta kien koy mundo tan amin a logan to.

Daniel 4:25

Napaarawi kad kawalaan da ray totoo tan manayam kad kawalaan da ray ayayep ed katakelan. Pitoy taon a mangan kay dika a singa baka, tan manogip ka ed pasen ya anggapoy tarung, a diman ka nalinaewan. Insan birbiren mo a walad silong na pakaoley na Sankatageyan a Dios iray nanarian na too tan nayarian to ran iter ed siopaman a labay ton pangitdan.

Saray Salmo 98:7

Ungol ka, dayat, tan amin da ray pinalsan manaayam ed sika; mankanta ka, dalin, tan amin da ray manaayam ed sika!

1 Saray Awaran 29:16

O Katawan a Dios mi, impantitipon min iter ira yan amin a kayamanan a pamaalagey na sakey a Timplo a pamagalang na masanton ngaran mo; balet nanlapu ra yan amin ed sika tan kayaryan mo ran amin.

2 Saray Awaran 25:9

Tinepet nen Amasias ed samay propita, “Antoy gawaen kod samay imbayar kon pilak ed sikara?” Inmebat imay propita, “Nayarian na Dios ya ipawil ed sika so masoluk ni nen say saman!”

Say Libro nen Job 34:13

Wala tay toon angiter ed Dios na pakapanyari to? Wala tay angipasen ed sikato a manoley ed mundo?

Say Libro nen Job 41:3

Kerewen tod sika ya ibolus mo? Kerewen tod sikan kasian mo?

Saray Salmo 50:10

kayaryan kon amin iray ayayep ed katakelan tan saray baka ed nilibon kapokdulan.

Saray Salmo 89:12

Ginawam so baybay tan say abalaten; kakantaan ka na Palandey na Tabor tan say Palandey na Hermon lapud liket da.

Mikias 4:13

Say Katawan kuanto, “Totood Jerusalem, laka yo, ta dusa yo ray kalaban yo! Pagmaliwen ta kayon singa mabiskeg a bakan kalakyan a balatyang iray saklur to tan gansa ray koko to. Temeken yo ray amayamay a bansa, tan iyapay yod siak a Katawan na intiron mundo iray kayamanan a sinasamsam da.”