Saray Salmo 22:8 - Maung A Balita Biblia

⁸ Kuanda, “Nanmatalek kad Katawan, Akin et ag to ka ilaban? No talagan inaro to ka, akin et ag to ka tulongan?”

Maung a Balita Biblia

⁸ Kuanda, Nanmatalek kad Katawan, Akin et ag to ka ilaban? No talagan inaro to ka, akin et ag to ka tulongan?

Saray Salmo 22:8 Referans Kwoze

Saray Salmo 91:14

Kuay Dios, “Ilaban ko ray mangaarod siak, tan iyagel ko ray mamibirbir ed siak a Katawan.

Saray Salmo 18:19

Inekal to ak ed kaatapan; inlaban to ak, ta makaliliket ed siak.

Mateo 17:5

Mansasalita niy Pedro nen tinarungan iray maliwliwawan lorem tan walay bosis a nanlapud man ya inkuanto, “Sikato yay inararok ya Anak a pakaliliketan ko—dengel kayod sikato!”

Mateo 3:17

Insan walay bosis a nanlapud tawen a nankuan, “Sikato yay inararok ya Anak; sikatoy pakaliliketan ko.”

Isaias 42:1

Say Katawan kuanto, “Saya so aripen ko a pinabiskeg ko— sikatoy pinilik tan pakaliliketan ko. Pinanok na ispirituk, tan sikatoy mangyakar ed balang bansa na inkatonung.

Probirbio 16:3

Kerew mod Katawan a bindisionan to ray planom, et nagawam ira.

Saray Salmo 55:22

Imatalek mod Katawan iray gunigon mo, et iyagel to ka; ag ton balut aabuloyan a natalo iray totoon matonung.

Saray Salmo 37:5

Ipiam ed Katawan so bilay mo; manmatalek kad sikato, et sikay tulongan to;

Lucas 23:35

Manalalagey iray totood man tan bambantayan day Jesus; balet saramay opisyal na baley niludlurey da. Inkuanda, “Inlaban to ray arum. Ilaban to met komuy laman ton dili, no tuan sikatoy Cristo a piniliy Dios!”

Mateo 12:18

“Sava so aripen ko a pinilik, sikatoy inarok tan pakaliliketan ko. Iter koy Ispirituk ed sikato, tan sikatoy mangipakabat na katonungan ed amin a katoowan.

Saray Salmo 71:11

Kuanda, “Inkaindan la na Dios! Osilan tayon erelen, ta anggapoy mangyagel ed sikato.”

Saray Salmo 42:10

Makapkapoy ak lad panagpabaing da, ta tepet la ran tepet ed siak, “Iner so kawalaay Dios mo?”

Say Libro nen Job 16:4

No pasen yoy pasen ko tan pasen koy pasen yo, nibagak iray ibabaga yo. Napeyeng-peyengan ta kayo, tan nayarian koy ag ontondan mansalita sumpad sikayo.

Saray Salmo 109:25

Elek-elekan ak na saray totoon makanenengneng ed siak; mameyang-peyeng iran mamabalaw ed siak.