Saray Salmo 22:24 - Maung A Balita Biblia

²⁴ Say Katawan, ag to papaolyan iray mairap-bilay, tan ag to lilingwanan so kairapan da; ag to met ira bebenegan, no ag ingen eebatan to ra no onkekerew iray tulong.”

Maung a Balita Biblia

²⁴ Say Katawan, ag to papaolyan iray mairap-bilay, tan ag to lilingwanan so kairapan da; ag to met ira bebenegan, no ag ingen eebatan to ra no onkekerew iray tulong.

Saray Salmo 22:24 Referans Kwoze

Saray Hebreo 5:7

Nen mambibilay ed tapew na dalin si Jesus, inakis tan ineyag toy impankerew tan impampikasi tod Dios a makapangilaban ed sikato ed patey. Lapud nagnap a mapaabeba, dinengel na Dios.

Saray Salmo 118:5

Diad kasesegsegang ko, tinmawag ak ed Katawan; inebatan to ak tan imbolus to ak.

Saray Salmo 34:6

Ontatawag ed sikato iray doroka, et eebatan to ra; ilalaban to ra ed amin a gunigon da.

Saray Salmo 22:2

Tatawagen ta ka no agew, Dios ko, balet ag mo ak eebatan; Tatawagen ta ka no labi, balet ag ak nainawaan.

Saray Salmo 22:6

Balet aliwa ak lan sakey a too; sakey ak lan alumbayar, a balbalawen tan pabpabaingan na saray totoo!

Lucas 23:46

Inmeyag na maksil si Jesus tan inkuanto, “Ama, iyawat kod saray limam so ispirituk!” Kapangibaga to ya, inatey.

Saray Salmo 69:17

Ag mo ak pa iyaamutan ya aripen mo; ebatan mo ak pa natan, ta ontan lay kagugunigon ko!

Saray Salmo 35:10

Diad intiron pusok ibagak ed Katawan, “Anggapoy miparad sika, Iyaagel mo ray makapoy ed saray mabiskeg, saray mairap-bilay ed saray managpairap.”