Saray Salmo 22:23 - Maung A Balita Biblia

²³ “Idayew yoy Katawan, sikayo ran aripen to! Itanduro yo, sikayo ran kabyangay boleg nen Jacob; igalang yo, sikayo ran totood Israel!

Maung a Balita Biblia

²³ Idayew yoy Katawan, sikayo ran aripen to! Itanduro yo, sikayo ran kabyangay boleg nen Jacob; igalang yo, sikayo ran totood Israel!

Saray Salmo 22:23 Referans Kwoze

Puyan 15:4

Katawan, siopay ag ontakot ed sika? Siopay ag malabay a mangigalang ed ngaran mo? Sika labat so masanto. Ondagon amin iray bansa tan mangigalang irad sika, ta anengneng na amin a katoowan iray matonung a gawgawam.”

Lucas 1:50

ipanengneng toy panangasi to ed amin da ray mangigagalang ed sikato, manlapud sakey a kailalakan ya anggad ontombuk iran kailalakan.

Saray Salmo 115:11

Manmatalek kayod Katawan, sikayon manangigalang ed sikato! Tutulongan tan iyaagel to kayo.

Saray Salmo 50:23

Say pisasalamat so bagat a mangigagalang ed siak, tan andi-saew ya ilaban kon amin iray mangoonur ed siak.”

1 CORINTO 10:31

Kanyan sirin, mangan kayo man odino oninom, o anggan antoy gawaen yo, gawa yon amin a pakagalangan na Dios.

Lucas 2:20

Sinmempet ira may pumapastol ya idaydayew tan igalgalang day Dios lapud samay anengneng tan naimatunan da, ya agawa ran amin onung na imbalitay anghil ed sikara.

Isaias 25:3

Saray totood makapanyarin bansa et idayew da ka; takotan ka na saray totoo ed saray siudad da ray maruksan bansa.

Saray Salmo 145:19

Iiter toy nakaukolan da ray mangigagalang ed sikato; derengelan toy akis da tan ilalaban to ra.

Saray Salmo 115:13

Bindisionan ton amin iray manangigalang ed sikato, atagey man o abeba so kipapasen da.

Saray Salmo 106:5

Ipanengneng mo pad siak so iyaligwas da ray totoom tan pibiang mo ak ed liket na bansam, diad gayaga da ray totoon kayaryan mo.

Saray Salmo 86:12

Idayew ta kad intiron pusok, Katawan a Dios ko, tan ibawag kon ando lan ando so inkatalonggaring mo.

Saray Salmo 33:8

Igalang moy Katawan, sikan sankamundoan. Pagalangan yo, sikayon amin a katoowan ed intiron mundo.

Saray Salmo 22:30

Saray mantombuk a kailalakan et panlingkuran day Katawan; saray totoo ibaga rad onsoblay a kailalakan so nipaakar ed sikato.

Saray Salmo 26:12

Arawi ak ed antokaman a kaatapan; idadayew koy Katawan diad olup da ray totoo to.

Saray Salmo 35:18

Insan pisalamatan ta kad tipon da ray totoom; idayew ta kad arap dan amin.

Saray Salmo 109:30

Ikasil koy misalamat ed Katawan; idayew kod tipon da ray karaklan,

Saray Salmo 111:1

Idayew yoy Katawan! Diad tipon da ray matonung a totoo to misalamat ak ed Katawan ed intiron pusok.