Saray Salmo 21:11 - Maung A Balita Biblia

¹¹ Mamplaplano ray maoges tan mankokomplut ira sumpad sikato, balet ag ira manalo.

Maung a Balita Biblia

¹¹ Mamplaplano ray maoges tan mankokomplut ira sumpad sikato, balet ag ira manalo.

Saray Salmo 21:11 Referans Kwoze

Saray Salmo 10:2

Mapaatagey iray totoon maoges tan papairapen da ray mairap-bilay; erel mo pa rad saray patit ya imparaan da.

Saray Salmo 2:1

Akin et mamplaplanon onlaban iray bansa? Akin et manggagawa na saray andi-kakanaan a komplut iray katoowan?

Mateo 2:16

Nen akabatan nen Herodes a niluko na saramay makakabat a totoo, agaylay pasnuk to. Lapud petang na olo to, ingganggan to a pateyen iray ogogaw a lalaki ed Betlehem tan diad saray kaliber-liber a pasen. Impapatey to ray amin ya ogogaw a lalaki, manlapud duay taon a mampaleksab, onung ed panaon na inletaw na bitewen a naamtaan tod saramay makakabat a totoo.

Saray Salmo 31:13

Narerengel koy esaesan da ray amayamay a kalaban ko; makapataktakot so walad kaliber-liber ko. Iplaplano ray ilaban dad siak, mankokomplut iran mamatey ed siak.

Mateo 2:8

Insan to ra imbakid Betlehem tan imbilin tod sikara, “Apiger yon anapen itay ogaw. No nalmo yo la, ipakabat yod siak, pian makakar ak met a mangigalang ed sikato.”

Saray Salmo 83:4

Kuanda, “Gali dia, deralen tayoy bansa ra, pian nalingwanan lan andi-anggaan so Israel.”

Saray Salmo 35:20

Ag ira mansasalitan singa saray kakaaro; ingen manggagawa ray nandoroman tila nipaakar ed totoon maarod kareenan.

Mateo 21:46

Kanyan erelen da lawari, balet antakot irad saray totoo lapud ipapasen dan sakey a propita si Jesus.

Ezekiel 11:2

Inkuan na Dios ed siak, “Sika a toon ompatey, maoges so iplaplano na saray lalaki tan makapoy a simbawa so iiter dad sayan siudad.

Saray Salmo 109:13

Ompatey komun ya amiy kabyangay boleg to, tan nalingwanan la komuy ngaran to diad ontombuk a kailalakan.