Saray Salmo 20:6 - Maung A Balita Biblia

⁶ Natan amtak a say Katawan et panataloen toy pinili ton ari; eebatan to manlapud masanton tawen, tan diad panamegley na pakayari to, iitdan to na saray baleg a pananalo.

Maung a Balita Biblia

⁶ Natan amtak a say Katawan et panataloen toy pinili ton ari; eebatan to manlapud masanton tawen, tan diad panamegley na pakayari to, iitdan to na saray baleg a pananalo.

Saray Salmo 20:6 Referans Kwoze

Saray Salmo 28:8

Say Katawan iyaagel to ray totoo to, iyaagel tan ilalaban toy pinili ton ari.

Saray Gawgawa 5:31

Intanduroy Dios ed nikawanan to tan ginawa ton Pangulo tan Manangilaban a mangiter ed saray totood Israel na pankanawnawa ran mampatauli tan mangibeneg ed saray kasalanan da, pian napirdona ra.

Saray Gawgawa 4:10

nepeg yo ya amtaen tan amin a totood Israel, a manalalagey yan tood arap yo tan nagnap so inyabig to, lapud pakayari na ngaran nen Jesu-Criston taga Nazaret. Impasak yod krus, balet say Dios pinaoli tod bilay.

Mateo 6:9

Onyay pampikasi yo sirin: ‘Ama min walad tawen: Nagalang komuy ngaran mo;

Isaias 63:15

Katawan, manlapud tawen a panaayaman mo ed inkasantom tan kagalangan mo, nengneng mo kami pa. Iner so kawalaay baleg a panangimasakit mod sikami? Iner so kawalaay pakayarim? Kawalaay panangarom tan panangasim? Ag mo kami pa ibebeneg.

Saray Salmo 18:50

Say Dios so mangiiter na saray pananalo ed arin impasen to; ag mangoomay panangaro tod toon pinili to, a si David tan diad saray kabyangay boleg to, diad ando lan ando.

Saray Salmo 2:2

Saray arari ra milalaban ira, saray manoley da mankokomplut ira sumpad Katawan tan say pinili ton ari.

Saray Gawgawa 2:36

“Kanyan nepeg a naamtaan tan ag panduaruwaan na amin a totood Israel a sayan Jesus ya impasak yod krus so ginaway Dios a Katawan tan Cristo!”

Isaias 58:9

No mampikasi kayo, ebatan ta kayo. No ontawag kayod siak, eselan ta kayo. “No patondaen yoy panamairap yod kapara yon totoo, say panangipanengneng yoy panagbosul yo, tan say panagsalita yoy maoges;

Isaias 57:15

“Siak so atagey tan masanton Dios a mambibilay ed ando lan ando. Manaayam ak ed atagey tan masanton pasen, balet manaayaman ak met ed kawalaan da ray mapaabeba tan magbabawin totoo, pian nipawil koy biskeg na linawa ra tan say ilalo ra.

Saray Salmo 41:11

Naamtaan ko a pakaliliketan mo ak, no ag ak taloen na saray kalaban ko.

Saray Salmo 18:35

O Katawan, iyaagel tan ilalaban mo ak; lapud pananulong mo nagmaliw ak a matalonggaring, tan lapud pakayarim niarawi ak ed kaatapan.

Saray Salmo 17:7

Ipaamtam pay ag mangoman a panangarom tan ilaban mo ak; ag ak nasigensigen na saray kalaban ko no wala ak ed diking mo.

1 Saray Arari 8:43

dengel mo pay pikakasi to. Diad ayaman mod tawen dengel mo pa, tan iter mo so antokaman a kerewen tod sika, pian naamtaan tan takotan ka na amin a katoowan ed mundo a singa pakaamta tan itatakot ed sika na saray dilin totoom. Naamtaan dad satan a diad sayan Timplo ya impaalagey ko so nepeg a pangigalangan ed sika.

1 Saray Arari 8:30

Dengel mo pa ray pikakasik tan saray pikakasi na saray totoom no mampikasi ran akaarap ed sayan Timplo. Diad ayaman mon tawen, dengel mo kami pa tan pirdona mo kami.

Saray Gawgawa 2:33

Niatagey ed nikawanay Dios, tan inawat toy Ispiritu Santo ya insipan na Ama to. Inter nen Jesus yan Ispiritu Santo ed sikami, onung na nanenengneng tan narerengel yo natan.

Saray Salmo 9:15

Saray ag manisiad Dios napepelag irad abut a kinotkotan da; naeerel irad patit ya inlira da.

Mikias 4:5

Mangigagalang tan manlilingkur ed dilin dios to so balang bansa, balet mangigalang tan manlingkur itayod Katawan a Dios tayo diad ando lan ando.