Saray Salmo 19:8 - Maung A Balita Biblia

⁸ Maptek iray ganggan na Katawan, tan pagagayagaen day puso. Matonung iray ganggan to, tan liliwawaan day pakatalus.

Maung a Balita Biblia

⁸ Maptek iray ganggan na Katawan, tan pagagayagaen day puso. Matonung iray ganggan to, tan liliwawaan day pakatalus.

Saray Salmo 19:8 Referans Kwoze

Saray Salmo 12:6

Napanmatalkan iray salita na Katawan; singa ra tuan pilak a pinapuron amimpito ed palbaan.

Saray Salmo 119:105

Say salitam et sakey a lamparaan a mangiwanwan ed siak, tan sakey a liwawad dalan ko.

Jeremias 15:16

Nansalita kad siak et dinengel koy amin ya imbagam. Kayaryan mo ak, Katawan a Dios a Makapanyarin-amin, kanyan saray salitam pinano ray pusok na gayaga tan liket.

Probirbio 30:5

“Susumpalen na Dios so balang sipan to. Say Dios aliling toy sakey a samper ed amin da ray papaiyagel ed sikato.

Saray Salmo 119:128

Kanyan oonuren ko ray amin a bili-bilin mo; kabusol kon amin iray maoges a kagagawa.

Probirbio 2:6

Say Katawan so mangiiter na kakabatan; manlalapud sikato so pakaamta tan pakatalus.

Saray Salmo 119:92

No ag labat sobul na gayagak so ganggan mo, inatey ak la komun lapud paniirap ko.

Saray Salmo 119:80

Sigput ko komun a naonur iray ganggan mo, pian ag ak napelag ed kababaingan na inkatalo.

Probirbio 6:23

Saray bilin da singa ra liwaway silew; say panametek da ibangat da ka no panoy pambilay mo.

Saray Taga Roma 7:22

Diad otel na pusok, malikeliket ak ed ganggay Dios.

TAGA GALACIA 2:19

No say Ganggan so pantotongtongan, inatey ak la—say dilin Ganggan so amatey ed siak—pian mambilay ak para Dios.

Saray Taga Roma 3:20

Ta anggapoy toon nibilang a matonung ed arap na Dios diad panamegley na panangonur toy ibabagay Ganggan. Say gagawaey Ganggan et say pangipapaamta to a nankasalanan so too.

Saray Taga Roma 7:7

Nayarian ti kasin ibaga a makapakasalanan so Ganggan? Ag nayari! Anggaman ontan, say Ganggan so angipaamtad siak no antoy kasalanan. No ag imbagay Ganggan, “Ag ka maagom,” ag ko komun amta no anto tay panagagom.

Saray Salmo 119:16

Panliliketan ko ray ganggan mo; ag ko lingwanan iray ganggan mo.

Saray Salmo 119:14

Panliliketan ko niy mangonur ed saray ganggan mo, nen say pakagamur koy baleg a kayamanan.

Ezekiel 36:27

Iyan kod sikayo so ispirituk tan patoluken ta kayod saray ganggan ko tan saray bilin kod sikayo.

Saray Salmo 119:171

Idayew ta kan naynay, ta ibabangat mod siak iray ganggan mo.

Saray Salmo 119:143

Nagugunigon tan nanaermenan ak, balet pagagayagaen ak na saray ganggan mo.

Saray Salmo 119:130

Say pangipaliwawa na saray salitam et mangiter na liwawa tan kakabatan ed saray anggapoy pakatalus.

Saray Salmo 119:121

Inkatonung tan kamaungan iray ginawak; ag mo ak pa ikakaindan ed lima da ray kalaban ko!

Saray Salmo 119:40

Labay kon onuren iray ganggan mo; matonung ka, kanyan pasimbalom pay bilay ko.

Saray Salmo 119:12

Idadayew ta ka, Katawan: ibangat mo pad siak iray pananontonan mo.

Saray Salmo 105:45

pian onuren na saray totoo to iray ganggan to tan sumpalen da ray bilin to. Idayew yoy Katawan!

Saray Salmo 40:8

Agaylay liket kon mangoonur na linawam, O Dios ko! Yaatul kod pusok so bangat mo.”

Saray Salmo 13:3

Imano mo ak tan ebatan mo ak pa, Katawan a Dios ko. Pabiskeg mo ak, pian ag ak ompatey.

Exodo 18:16

No walay duaran toon nankolkol, ondago rad siak tan ibagak no siopay walad katonungan. Ibabagak ed sikara iray ganggan tan saray bilin na Dios.”

Genesis 26:5

Bindisionan ta ka, ta inonur ak nen Abraham tan sinumpal ton amin iray ganggan tan saray bilin ko.”

TAGA GALACIA 3:21

Labay to yan ibaga kasi a say Ganggan et sumlang ed saray sipay Dios? Andi! Ta no niiter so sakey a ganggan a makapangiter na bilay ed katoowan, say too sirin magmaliw a matonung ed arap na Dios diad panamegley na ganggan.

Isaias 64:5

Maliket kan mangaawat ed saray maseet a manggagaway inkatonung, saray makanununot a mangonur na linawam. Nampasnuk kad sikami, balet intuloy miy nankasalanan; anggaman a mapalaloy pasnuk mo, intuloy miy nanggaway kaogsan nanlapud saman a panaon.

Saray Salmo 119:54

Manggagawa ak na saray kanta nipaakar ed saray ganggan mo, legan na antikey a panayam kod tapew na dalin.

Saray Salmo 119:24

Saray bilibilin mo paliliketen da ak, sikaray manisimbawad siak.

Nehemias 9:13

Manlapud tawen inmakseb kad Palandey na Sinai, insan kad man akisalitad saray totoo; initdan mo ra na saray maung a ganggan, saray maptek a bangabangat.

Nehemias 8:12

Kanyan sinmempet lad abung iray amin a totoo. Maliket iran nanaakan tan naniinom; iniitdan da ray kulang so paraan, lapud atalusan da ray imbasad sikara.

Deuteronomio 16:14

Manliket kayo a pati saray anak yo, saray aripen yo, tan saray Levita, saray sangkaili, saray olila, tan saray balon bibii a manaayam ed saray baley yo.

Deuteronomio 16:11

Manliket kayo ed arap na Katawan a pati saray anak yo, saray aripen yo, tan saray Levita, saray sangkaili, saray olila, tan saray balon bibii a manaayam ed saray baley yo. Gawa yo yad samay pasen a panangigalangan.

2 Saray Arari 17:37

Nepeg yon onuren lawas iray ganggan tan saray bilin ya insulat kon para sikayo. Ag yo nepeg a takotan iray arum a diriyos,

Saray Salmo 93:5

Magnayon iray ganggan mo, Katawan, tan tuan masanto so Timplom ya anggad angga.

Saray Salmo 111:7

Sikatoy matoor tan matonung ed amin a gagawaen to; napanmatalkan ya amin iray ganggan to.