Saray Salmo 18:9 - Maung A Balita Biblia

⁹ Inlokyab toy tawen insan inmakseb; walay makapal a lorem ed silong na saray dapan to.

Maung a Balita Biblia

⁹ Inlokyab toy tawen insan inmakseb; walay makapal a lorem ed silong na saray dapan to.

Saray Salmo 18:9 Referans Kwoze

Deuteronomio 33:26

Sikayon Israelita, anggapoy dios a miparad Dios yo, Manloglogan a sigagalang a ombeltang ed tawen. Manloglogan ya onsorub ed kaloreman ta ondagon ontulong ed sikayo.

Puyan 20:11

Kasumpal to ya, anengneng koy baleg a tronon ampoti tan say akayorung diman. Naandipat so tawen tan dalin ed arap to, tan ag la ran balut anengneng.

2 Pedro 3:10

Balet onsabin singa sakey a matakew so Agew na Katawan. Diad satan ya Agew, naandipat iray katawenan a katekep na makmaknul ya ungol. Napoolan tan natonaw iray bitewen, say agew, tan say bulan; naandipat so mundo, pati amin a logan to.

Saray Hebreo 12:26

Diad saman a panaon, niyegyeg na bosis toy dalin, balet insipan to natan, “Maminsan nin yegyegen ko, tan aliwa labat a say dalin no ag pati say tawen.”

Juan 13:7

Inmebat si Jesus, “Ag mo ni natan natalusan yay gagawaen ko, balet natalusan mo lamlamang naani.”

Marcos 15:33

Nanlapud alas dosi ed kaagewan, say intiron dalin binnilonget ed loob na taloy oras.

Mateo 24:29

“Kasumpal na satan a kairapan, ombilonget so agew tan ag la onsinag so bulan. Napelag iray bitewen a manlapud tawen, tan saray pakayarid liwang ag da natombuk so gendat a kinaoksuy da.

Joel 3:16

Unungol a manlapud Palandey na Sion so Katawan; say bosis to onkarul a manlapud Jerusalem; nayakayak iray katawenan tan nayegyeg so dalin. Balet iyagel to ray totoo to.

2 Samuel 22:10

Inlokiab toy tawen insan inmakseb, walay makapal a lorem ed silong na saray dapan to.

Isaias 51:6

Tangay kad katawenan; nengneng kad mundo! Naandipat a singa asewek so katawenan; nabuyak a singa daan a kawes so mundo, tan ompatey a singa apangat iray totoo to. Balet mansiansia so kilalaban ya iter ko, ag mangangga so pananalok.

Saray Salmo 68:4

Kantaan yoy Dios, kantaan yo na panangidayew so ngaran to; iparaan yoy dalanen na manloglogan ed saray lorem. Yahweh so ngaran to—manliket kayod arap to!

Exodo 19:18

Akobutan na asewek so Palandey na Sinai, lapud inmakseb diman ed nengneng na apoy so Katawan. Inmatagey so asewek a singa asewek na palbaan, et yinmegyeg na makmaksil so palandey.

Saray Salmo 50:3

Onsasabiy Dios tayo, balet aliwan mareen; walay manliub ya apoy ed arap to tan mabiskeg a bagyo ed kaliber-liber to.

Saray Salmo 97:3

Walay apoy ed arap to tan popoolan to ray kabosul to a walad kaliber-liber to.

Isaias 66:15

Say Katawan onsabin kaiba toy apoy. Onlogan ed saray payak na bagyo no dusaen to ray pamapasnukan to.