Saray Salmo 18:50 - Maung A Balita Biblia

⁵⁰ Say Dios so mangiiter na saray pananalo ed arin impasen to; ag mangoomay panangaro tod toon pinili to, a si David tan diad saray kabyangay boleg to, diad ando lan ando.

Maung a Balita Biblia

⁵⁰ Say Dios so mangiiter na saray pananalo ed arin impasen to; ag mangoomay panangaro tod toon pinili to, a si David tan diad saray kabyangay boleg to, diad ando lan ando.

Saray Salmo 18:50 Referans Kwoze

Saray Salmo 144:10

Panataloen mo ray arari, tan iyaagel moy aripen mon si David.

2 Samuel 7:13

Sikatoy mamaalagey na sakey a timplon para siak, tan pansiansiaen ko ya anggad angga so nanarian to.

Saray Taga Roma 11:29

Ta say Dios ag mangomay kanunotan diad panagtawag tod saray totoo, tan panangiter toy bindision.

Saray Salmo 132:10

Nansipan kad kinen aripen mon David; ag mo pa ipopolisay so pinilim ya ari, Katawan.

TAGA GALACIA 3:16

Natan, wala ray sipay Dios ed kinen Abraham tan say apo to. Ag ibabagay Masanton Sulat, “tan saray apo to,” a say labay ton ibaga et amayamay, no ag ingen “tan say apo to,” a say labay ton ibaga et saksakey tan si Cristo ya.

Lucas 1:69

Angibakid sikatayo na makapanyarin Manangilaban, a kabyangan boleg nen David ya aripen to.

Saray Salmo 2:6

“Pinayorung kon manoley so arik diad tapew na masanton palandey ko a Sion,” kuanto.

1 Saray Awaran 17:27

Kerewen kod sikan bindisionan mo ray kabyangay boleg ko, tan pansiansiam yan bindision ed sikara. Sika, Katawan, so amindision ed sikara; mansiansian ando lan ando ed sikara so bindision mo.”

1 Samuel 2:10

Napatey iray onlalaban ed Katawan; manlapud tawen pakarulan to ra. Sintinsiaan na Katawan so intiron mundo; pabiskegen toy ari to, panaloen toy pinili ton ari.”

Saray Taga Roma 1:3

et nipaakar ed Anak na Dios a si Jesu-Cristo a Katawan tayo. No nipaakar ed inkatoo to, sikatoy nianak a kabyangay boleg nen David;

1 Samuel 16:1

Inkuan na Katawan ed kinen Samuel, “Kaonungay kabayag so panermen mo lapud kinen Saul? Impolisay ko lan ari na Israel. Mangala kay larak na oliba tan lakad lakin say ngaran to et Jesse, a walad Betlehem, ta pinilik ya ari so sakey ed saray anak ton lalaki.”

Saray Salmo 57:10

Say ag mangoman a panangarom et sasabien to ray katawenan tan say inkatoor mo et gagawaten to ray lorem.