Saray Salmo 18:39 - Maung A Balita Biblia

³⁹ Iitdan mo ak na biskeg a mibakal, tan pananalo ed saray kalaban ko.

Maung a Balita Biblia

³⁹ Iitdan mo ak na biskeg a mibakal, tan pananalo ed saray kalaban ko.

Saray Salmo 18:39 Referans Kwoze

Saray Salmo 18:32

Sayan Dios a mamapabiskeg ed siak, eekalen toy kaatapan ed dalan ko.

TAGA-EFESO 1:22

Say Dios pinasuko toy amin a bengatla ed Cristo, a sikatoy inter tod iglisia a sankatageyan a panguloy amin a bengatla.

Juan 15:23

Say mambosul ed siak, bosulen to met so Amak.

Saray Tagleey 5:5

Pinairap da kamin pinabatik a singa asno o kamilyo, naknaksawan kami, balet ag da kami abuloyan a mampainawa.

Isaias 45:14

Say Katawan kuantod Israel, “Kayaryanen mo ray kayamanan ed Egipto tan Sudan, tan magmaliw ya aripen mo iray atatagey a totood Seba; akagolunggolung iran ontombuk ed sika. Ondakmomo rad sika tan ibawag da, ‘Walad sika so Dios—sikato labat so Dios.

Probirbio 8:36

Balet say toon ag makarumog ed siak, papasakitan toy sikaton dili; siopamay mamobosul ed siak inaro toy patey.”

Saray Salmo 34:21

Pateyen na kaogsan iray totoon maoges; nadusa ray mamobosul ed saray matonung.

1 Saray Awaran 22:18

Inkuanto, “Walad sikayoy Katawan a Dios yo tan initdan to kayoy kareenan ed kaliber-liber yo. Impadakep tod siak iray amin a totoon nanaayam ed sayan dalin, tan wala la rad silong na pakaoley yo tan diad Katawan.

FILIPOS 3:21

Diad sayan ipawil to, salatan to yay magter a laman tayo na singa laman ton mapagalang. Gawaen to ya, diad panamegley na pakayarin pakapasuko tod pakaoley to na saray amin a bengatla.

Saray Salmo 66:3

Kuanyod Dios, “Makapakelkelaw iray gagawaen mo! Diad kabaleg na pakayarim, sitatakot ya ondadakmomod sika iray kalaban mo.