Saray Salmo 18:27 - Maung A Balita Biblia

²⁷ Iyaagel mo ray totoon mauyamo, balet papaabebaen mo ray mapaatagey.

Maung a Balita Biblia

²⁷ Iyaagel mo ray totoon mauyamo, balet papaabebaen mo ray mapaatagey.

Saray Salmo 18:27 Referans Kwoze

Santiago 2:5

Dengel kayo, inararok iran agagi! Ag ta say Dios pinili to ray mairap-bilay ed tapew na dalin ya onyaman ed pananisia tan manawir ed Panarian ya insipan tod saray mangaarod sikato?

Isaias 66:2

Siak a dili so amalsad sansinakuban. Maliket ak ed saray mapaabeba tan magbabawi, saray walay takot tan mangoonur ed siak.

Isaias 57:15

“Siak so atagey tan masanton Dios a mambibilay ed ando lan ando. Manaayam ak ed atagey tan masanton pasen, balet manaayaman ak met ed kawalaan da ray mapaabeba tan magbabawin totoo, pian nipawil koy biskeg na linawa ra tan say ilalo ra.

Saray Salmo 101:5

Paarawien koy siopaman a beneg-benegan a mamapaoges ed kapara ton too; ag ko anosan so too a mapaatagey tan malastug.

2 Samuel 22:28

Iyaagel mo ray totoon mauyamo, balet papaabebaen mo ray mapaatagey.

2 CORINTO 8:9

Ta kabat yoy panangaroy Katawan tin Jesu-Cristo; anggaman a mayaman nagmaliw a mairap-bilay makasengeg ed sikayo, pian onyaman kayo diad panamegley na inkamairap-bilay to.

Saray Salmo 9:18

Ag nalingwanan lawas iray mairap-bilay; ag naekal ed anggad angga so ilalo da ray walad kairapan.

Isaias 10:12

Balet say Katawan kuanto, “Kayari na gagawaen kod Palandey na Sion tan diad Jerusalem, dusaen koy impirador na Asiria lapud panagpaatagey tan panagtangsit to.”

Isaias 3:9

Nisingil ed sikara so panaglabi ra. Maparontal iran mankakasalanan a singa impankasalanan na saray totood Sodoma. Pangaskasiyan ira. Sikara met ni lamlamang so nanlapwan na pakadusa ra.

Probirbio 30:12

Wala ray totoon ipapasen dan malinis so kabibilay da, balet diad tuay ontan lay inkarotak da.

Saray Salmo 40:17

Makapkapoy ak tan pakaskasi ak, O Katawan, balet nununoten mo ak. Sikay mananulong tan manangilaban ko; dago mo ak pa lan tulongan, O Dios ko!

Saray Salmo 34:19

Amayamay iray gunigon a paniirapay toon matonung, balet say Katawan ilalaban tod amin a gunigon to;

Saray Salmo 34:6

Ontatawag ed sikato iray doroka, et eebatan to ra; ilalaban to ra ed amin a gunigon da.

Saray Salmo 17:13

Gala pa, Katawan, ta labanan mo ray kalaban ko tan talom ira! Iyagel mo ak pad saray totoon maoges diad panamegley na ispadam;

Saray Salmo 17:10

anggapoy panangasi ra tan mapasirayew iran mansasalita.

Saray Salmo 10:4

Say toon maoges ag to ikabkabilangan so Katawan; lapud panagpaatagey to iisipen ton singa anggapoy Dios.

Lucas 18:14

Kuankod sikayo a sayan too sinmempet ya apirdona ray kasalanan to; balet samay Pariseo, andi. Ta siopamay mampaatagey ed sikaton dili, napaabeba; siopamay mampaabebad sikaton dili, napaatagey.”

Oseas 4:6

Adusa ray totook lapud ag da ak bibirbiren a Dios. Sikayon papari et ag yo ak binirbir a Dios yo tan impolisay yo ray bangat ko, kanyan ipolisay ta kayo tan ag ko birbiren a paparik iray anak yon lalaki.