Saray Salmo 17:8 - Maung A Balita Biblia

⁸ Iyagel mo ak pan singa panangyagel mod saray matam; iyamut mo ak pad silong da ray payak mo,

Maung a Balita Biblia

⁸ Iyagel mo ak pan singa panangyagel mod saray matam; iyamut mo ak pad silong da ray payak mo,

Saray Salmo 17:8 Referans Kwoze

Deuteronomio 32:10

“Arumog to ran manaakar-akar ed maawang a kabueran, sakey a kalawakan ya andi-kakanaan tan maples so onsisiplug a dagem. Inyagel to ra tan tinalima to ra, a singa panangyagel tod sikaton dili.

Saray Salmo 91:4

Sayakopen to kad saray payak to; arawi kad kaatapan diad silong na panangasikaso to; iyagel tan ilaban ka na inkatoor to.

Saray Salmo 91:1

Siopamay onlan onsalimbeng ed Katawan, siopamay mansiansiad silong na panangyagel na Makapanyarin-amin,

Probirbio 7:2

Sumpal mo ray ganggan ko et mambilay ka. Asikasom ya onuren iray bangat ko a singa pangaasikasom ed saray matam.

Lucas 13:34

“Jerusalem, O Jerusalem! Papateyen mo ray propita tan tutupaken mo ray imbakiy Dios ed sika! Amimpigapigan labay kon tiponen iray anak mo, a singa panitipon na nganak ed saray siwsiw to diad silong na payak to, balet ag mo labay!

Zacarias 2:8

Siopamay mangabil ed sikayo kabilen toy sankablian ed siak.” Kanyan say Katawan a Makapanyarin-amin imbaki to ak a mangikuan ed saray bansan sinasamsaman da ray totoo to,

Saray Salmo 36:7

Mablin tuloy, O Dios, so ag mangoman a panangarom! Niyaagel kamid silong na saray payak mo.

Saray Salmo 57:1

Kasian mo ak pa, O Dios, kasian mo ak pa, ta ondarago ak sika pian arawi ak ed kaatapan. Diad silong da ray payak mo, niyaagel ak ya anggad ilabas na saray maksil a bagyo.

Ruth 2:12

Tumangan ka komun na Katawan lapud saray ginagawam. Nawalaan ka komuy nagnap a tumang manlapud Katawan a Dios na Israel a nanmatalkan mon mangyagel ed sika!”

Saray Salmo 61:4

Panayam mo ak pad santuariom legay pambilay ko; diad silong na saray payak mo anggapo komuy nasagmak kon maoges.

Mateo 23:37

“Jerusalem, O Jerusalem! Papateyen mo ray propita tan tutupaken mo ray totoon imbakiy Dios ed sika! Amimpiga-pigan labay kon tiponen iray anak mo, a singa panitipon na nganak ed saray siwsiw to diad silong na payak to, balet ag mo labay!

Saray Salmo 63:7

ta sika lawas so ontutulong ed siak. Diad silong na saray payak mo mankanta ak lapud liket ko.

Saray Salmo 16:1

Iyagel mo ak pa, O Dios, ta onsasalimbeng ak ed sika.

Saray Salmo 36:8

Panliliketan miy ag nasabsabaan a kakanen ya iiter mo; paniinomen mo kamid ilog na kaabigan mo.

Saray Salmo 57:2

Ontatawag ak ed Dios a Sankatageyan, diad Dios a mangiiter na amin a nakakaukolan ko.

Saray Salmo 61:5

Nadngel mo ray sipan ko, O Dios, tan inter mod siak so tawir da ray mangigagalang ed sika.