Saray Salmo 16:7 - Maung A Balita Biblia

⁷ Idadayew koy Katawan, ta iwawanwan to ak, tan no labi papasakbayan ak na konsinsiak.

Maung a Balita Biblia

⁷ Idadayew koy Katawan, ta iwawanwan to ak, tan no labi papasakbayan ak na konsinsiak.

Saray Salmo 16:7 Referans Kwoze

Saray Salmo 73:24

Iwawanwan ak na pananimbawam et diad kaonuran, mapagalang ya awaten mo ak.

Isaias 50:4

Imbangat na Katawan a Dios ed siak so salitaen ko, pian napabiskeg ko so linawa na toon mapaga. Kapag kabwasan iitdan to ak na pilalek ya ondengel ed ibangat to.

Saray Salmo 77:6

Sanlabin araldalem so nununoten ko; mandadalepdep ak, tan onyay itetepet kod siak a dili:

Saray Salmo 17:3

Sinokayan moy pusok. Dinago mo ak ed labi; sigput mo ak a sinubok, et anggapoy arumog mod siak a maoges a pilalek. Ag ak mansasalitay kaogsan

Saray Salmo 63:6

No mandokdokul ak nanununotan ta ka; nilabi-labi sikay walad isip ko,

Saray Salmo 42:8

Say Katawan ipanengneng to komun no agew so ag mangoman a panangaro to, pian makapankanta ak no labi, kantan pampikasik ed Dios na bilay ko.

Isaias 48:17

Say masanton Dios na Israel, say Katawan a Mananondon yo, kuanto: “Siak so Katawan a Dios yo, say Dios a mangibangat ed sikayo ed pankaabigan yo tan sikatoy mangiwanwan ed dalan na panagbilay a nepeg yon tombuken.

Isaias 26:9

Masimoon ta kan pampilalekan no labi; no sintinsiaan moy mundo tan saray totoo to, naaralan da no antoy so inkatonung.

Probirbio 8:14

Mamplaplano ak tan susumpalen ko ra. Walay pakatalus ko, tan mabiskeg ak.

Saray Salmo 119:55

Nununoten ta ka no labi, Katawan, tan dadalepdepen koy ganggan mo.

Jeremias 17:10

Siak, say Katawan, sokayan ko ray kanunotan tan suboken ko ray puso da ray totoo. Tumangan ko so balang too onung na panagbilay to, onung na gagawaen to.”

Lucas 6:12

Diad saman a panaon, linmay Jesus ed nipalandey a pasen tan sanlabin nampikasid man ed Dios.

Puyan 2:23

Pateyen ko met iray anak to, pian naamtaan na saray iglisia a siak so makaamta ed puso tan kanunotan da ray katoowan. Mangiter ak ed balang sakey ed sikayo, onung ed saray gawgawa to.

Saray Salmo 119:7

Legan kon aaralen iray matonung a sintinsiam, idayew ta ka diad panamegley na malinis a pusok.

Saray Salmo 119:148

Sanlabin abangon ak a mandadalepdep ed saray bilibilin mo.

Saray Salmo 77:2

Mampikasi ak ed Katawan, no nagugunigon ak; sanlabin itatagey ko ray limak diad pampipikasik, balet ag ak naliligliwa.

Saray Salmo 22:2

Tatawagen ta ka no agew, Dios ko, balet ag mo ak eebatan; Tatawagen ta ka no labi, balet ag ak nainawaan.

Jeremias 12:2

Itatanem mo ra, tan manlalamut ira; ontutubo ra tan mambubunga ra. Maung lawas so sasalitaen da nipaakar ed sika, balet say katwaan to arawi kad puso ra.

Saray Salmo 73:21

Nen agoloy isip ko, tan apasakitay liknaan ko,