Saray Salmo 15:5 - Maung A Balita Biblia

⁵ Mampapautang ya anggapoy abang tan ag napasoksokan a mantasi sumpad toon anggapoy kasalanan. Siopamay toon manusumpal ed sarayan amin et maligen lawas so bilay to.

Maung a Balita Biblia

⁵ Mampapautang ya anggapoy abang tan ag napasoksokan a mantasi sumpad toon anggapoy kasalanan. Siopamay toon manusumpal ed sarayan amin et maligen lawas so bilay to.

Saray Salmo 15:5 Referans Kwoze

Deuteronomio 16:19

Ag nepeg a pikeweten da so katonungan o walay lalabien da ed panagsintinsia ra; ag ira nepeg a mangawat na pasoksok, ta bulagen to ray anggan makabat tan matonung a totoo, et natanggoyur la ran mamikewet na katonungan.

Exodo 22:25

“No mampabayes kayo na kuarta ed siopaman a took a mairap so bilay to, ag yo ipapasey sikayon dili a managpaabang tan ag yo pangaabangen.

Ezekiel 22:12

Wala ray totoom a miuupan mamatey na arum a totoo. Saray arum mapalaloy panagpaabang day kuarta ed saray kapara ran Israelita tan onyayaman irad panaganamut day pankanawnawa ra. Alingwanan da ak.” Say Katawan a Dios so nansalita.

Ezekiel 18:8

Ag to ipapaabang so kuarta to. Ag to labay so manggawa na antokaman a kaogsan tan diad antokaman a kolkolan say katonungan so ipapasumpal to.

Juan 13:17

Natan ta amta yo la ra ya, maliket kayo na gawaen yo ra.

Probirbio 12:3

Say kaogsan mangiiter na kaatapan ed too, balet maligen so bilay na toon matonung.

Saray Salmo 112:6

Say maung a too mansiansian maung so kipapasen to; lawas nanunotan.

Saray Salmo 106:3

Maliket iray ontotoluk ed ganggan to, saray manggagawa lawas na inkatonung.

Saray Salmo 55:22

Imatalek mod Katawan iray gunigon mo, et iyagel to ka; ag ton balut aabuloyan a natalo iray totoon matonung.

Saray Salmo 16:8

Ag ko lawas nalingwanan so kiwawalay Katawan; walad abay ko, tan ag ak nasigensigen na antokaman.

Mateo 26:15

tan inkuanto, “Antoy iter yod siak no iyawat koy Jesus ed sikayo?” Imbilangan day talomplon kuartan pilak tan inter dad sikato.

Mikias 7:3

Amin da et masilib a manggaway kaogsan. Onkekerew na pasoksok iray opisyal tan saray huis. Say toon gagalangen ed bansa et ibabaga tod sikaray labay ton naala o nagawa, et mankokomplut la ra.

Ezekiel 18:27

No ontondan mankasalanan so toon maoges tan manggawa lay kaptekan tan kamaungan, nilaban to so bilay to.

Ezekiel 18:17

Ag to labay so manggawa na antokaman a kaogsan tan ag to ipapaabang so kuarta to. Oonuren to ray ganggan ko tan susumpalen to ray bilin ko. Ag ompatey lapud saray kasalanan nen ama to, no ag ingen sikatoy mambilay.

Isaias 33:15

Nitepel yo, no salitaen tan gawaen yoy inkatonung, no ag yo ikanay pakayari yo a mansaol ed saray mairap-bilay tan ag kayo mangawat na pasoksok, no ag kayo miolup ed saray mamplaplanon mamatey na too odino manggawa na arum a kaogsan.

Exodo 22:24

tan mampasnuk ak tan pateyen ta kayo ed bakal. Nabalo ray kaasawaan yo tan naolila ed ama iray anak yo.

Deuteronomio 23:21

“No manggawa kayoy sinambaan a sipan ed Katawan a Dios yo, sumpal yon sumpal; say Katawan anapen tod sikayo so insipan yo, tan kasalanan yo no ag yo iter so insipan yo.

1 Samuel 12:3

Nia ak natan ya akatalindeg ed arap yo. No walay ginawak a makapoy, akusa yo ak natan ed arap na Katawan tan diad arap na pinili ton ari. Walay inalak a bakan kayaryan na arum o asnon kayaryan na arum? Sinaol o pinairap koy siopaman? Angawat ak na pasoksok ed siopaman, kanyan nambulag-bulagan ak? No walay ginawak ed saraya, ipawil koy inalak.”

Probirbio 10:30

Arawi lawas ed kaatapan iray totoon matonung, balet ag makapansiansian manayam ed dalin iray totoon maoges.

Probirbio 15:27

Say toon masaol mangiiter na gunigon ed pamilya to. Ag ka mangaawat na pasoksok, et andokey so bilay mo.