Saray Salmo 149:3 - Maung A Balita Biblia

³ Idayew yoy ngaran to diad panamegley na sayaw; togtog yo ray tambul tan saray arpa diad pangidayew yod sikato.

Maung a Balita Biblia

³ Idayew yoy ngaran to diad panamegley na sayaw; togtog yo ray tambul tan saray arpa diad pangidayew yod sikato.

Saray Salmo 149:3 Referans Kwoze

Jeremias 31:13

Insan mansayaw tan manliket iray bibii; manggayaga ray lalaki, malangwer may matakken. Ligliwaen ko ra tan pagmaliwen kon liket so ermen da; pagmaliwen kon gayaga so ermen da.

Saray Salmo 81:2

Igapo yoy mankanta tan paknul yo ray pandirita; manogtog kayoy marakep ed saray arpa tan saray lira.

Exodo 15:20

Say biin agi nen Aaron, a si propita Miriam, inala toy tamborin to, tinombuk na amin a bibii, nantotogtog iray tamborin tan nansasayaw-sayaw ira.

Saray Salmo 30:11

Sinalatan mo na magayagan sayaw so ermen ko; nilakseb mod siak so ermen ko, insan inkawes mod siak so gayaga.

2 Samuel 6:16

Legan a niyaakar ed siudad so Kaban na Sipanan, tinmandag si Micol a biin anak nen Saul et anengneng toy Ari David a mansasayaw-sayaw tan manlukso-lukso ed arap na Katawan. Lapud saya binalaw tod puso to si David.

2 Samuel 6:14

Si David, ya akabariber labat na abel a linen ed awak to, et sinmayaw ed anggaay nayarian to a pangigalang tod Katawan.

Saray Huis 11:34

Nen pinmawil si Jefte ed abung tod Mizpa, wadmay biin anak to ya ompapaway ed abung, ta onabet ed sikato. Onsasayaw tan manotogtog na tamborin. Saksakey yan anak to.

Saray Salmo 33:2

Misalamat kayod Katawan diad panamegley na pantogtog yod saray lira, kantaan yo a binansagan na saray arpan samploray deles.

Esdras 3:10

Nen ginapwan da lan iletneg so pundasion na Timplo, linmad pasen da iray paparin akasulong na saray kawes da tan akabemben ira na saray trumpita. Wadman met iray Levitan kabyangay boleg nen Asaf tan akabemben ira na saray piangpiang. Indayew day Katawan onung ed saray bilin ya impaakseb nen Ari David.

1 Saray Awaran 16:42

Di Heman tan Jedutun met so makaoley ed saray trumpita, piangpiang, tan saray arum a kagawaan na musika a togtogen ira no kantaen iray imnon panangidayew. Saray kabyangay boleg nen Jedutun so makaoley ed panagguardiad saray puirta.

2 Saray Awaran 29:25

Tinombuk na ari iray bilin ya inter na Katawan ed kinen Ari David diad panamegley nen Gad a propita na ari tan diad panamegley nen propita Natan; angipasen na saray Levita ed Timplo a wala ray arpa tan piangpiang da,

1 Saray Awaran 25:6

Diad panangiwanwan nen ama ra nantotogtog ira na saray piangpiang tan saray arpa legan a gagawaen ed dalem na Timplo so panangigalang ed Dios. Di Asaf, Jedutun, tan Heman et wala rad silong na panangiganggan na ari.

2 Saray Awaran 20:28

Nen kasabi rad siudad, tinmalus irad Timplo a tinogtogan ira na saray arpa tan saray trumpita.

Saray Salmo 81:3

Sibuk yoy trumpita a pangipakabat na pista, no balo so bulan tan no tulaw.

Saray Salmo 87:7

Onsasayaw tan ikakanta ra, “Diad Sion so panlalapwan na amin a bindision tayo.”

Jeremias 31:4

Pasimbaloen ko so kipapasen yo a totook. Alaen yo lamet iray tamborin yo tan maliket kayon mansayaw-sayaw.