Saray Salmo 147:10 - Maung A Balita Biblia

¹⁰ Say Katawan aliwan maliket ed mabiskeg iran kabayo; aliwa met a magayagad saray masebeg a sondalo;

Maung a Balita Biblia

¹⁰ Say Katawan aliwan maliket ed mabiskeg iran kabayo; aliwa met a magayagad saray masebeg a sondalo;

Saray Salmo 147:10 Referans Kwoze

Saray Salmo 20:7

Saray arum a totoo manmamatalek irad karwahi ra, tan saray arum diad saray kabayo ra, balet manmamatalek itayod pakayari na Katawan a Dios tayo!

1 Samuel 16:7

Balet inkuan na Katawan ed sikato, “Ag mo iimanoen no panoy kinabaleg tan kinaguapo to. Impolisay ko, ta say panagpilik aliwan singa panagpili na too. Say too say walad paway so nenengnengen to, balet say puso so nenengnengen ko.”

Isaias 31:1

Pangaskasiyan iray onlan patulongan ed Egipto! Manmamatalek ira ed mabiskeg tan dakerakel a sondalo, kabayo, tan karwahi na Egipto. Balet ag ira manmamatalek ed Katawan a masanton Dios na Israel odino onkekerew na tulong ed sikato.

Ecclesiastes 9:11

Wala niy sakey a naamtaan ko, a diad sayan mundo ag manatalo lawas ed saray lumba iray mabatik, tan ag manatalo lawas ed saray bakal iray masebeg. Saray makabat et aliwan lawas a walay anapay-bilay da, ag lawas onyayaman iray maung ya impanotek, tan ag lawas onaatagey ed kipapasen iray marunong. Say maoges a kapalaran onsasabi ed balang sakey.

Probirbio 21:31

Nayarian mon iparaan ed bakal iray kabayo, balet say Katawan so mangiiter na pananalo.

Oseas 1:7

Balet aroen ko ray totood Juda. Siak a Katawan a Dios da, iyagel ko ra, aliwan diad panamegley na ispada odino pana, odino kabayo tan kumakabayo.”

2 Samuel 1:23

“Saul tan Jonatan, pinabli tan inararo; sankaibad bilay, sankaibad patey. Maples ira nen saray agila, mabiskeg ira nen saray lion.

Say Libro nen Job 39:11

Napanmatalkan mo so ontan lan biskeg to tan napanilaloan mon gawaen toy kimey mo?