Saray Salmo 146:4 - Maung A Balita Biblia

⁴ No ompatey ira, ompawil irad dalin; naandipat met lad satan ya agew iray plano ra.

Maung a Balita Biblia

⁴ No ompatey ira, ompawil irad dalin; naandipat met lad satan ya agew iray plano ra.

Saray Salmo 146:4 Referans Kwoze

Ecclesiastes 12:7

Ompawil ed dabuk na dalin so laman to tan say ispiritu to ompawil ed Dios ya angiter ed sikato.

Saray Salmo 104:29

No onarawi ka, natatakot ira, no ekalen moy ingas mo, ompatey ira tan ompawil irad dabuk a nanlapwan da.

Genesis 2:7

Insan say Katawan a Dios angalay dabuk ed dalin, minoli ton sakey a too-too, insan to iningasan na linawan manangiter na bilay ed saray abut na eleng to, et nagmaliw a mabilay a too.

Genesis 3:19

Nakaukolan moy manlinget tan mansagput na baleg, pian makaiter so dalin na antokaman a napambilay ya anggad ipatey tan ipawil mod dalin a nanlapwan mo. Nanlapu kad dalin, tan magmaliw ka lamet a dalin.”

1 CORINTO 2:6

Ibabangat miy kakabatan ed saray mamatakken lad maispiritun bilay, balet aliwan say kakabatan na sankamundoan odino say kakabatan na saray manoley ed sayan mundo, saray manoley a nababalang da lay pakayari ra.

Saray Salmo 33:10

Say Katawan pagmamaliwen ton andi-kakanaan iray getma na saray bansa, ag to iyaabuloy a nasumpal iray plano ra.

Say Libro nen Job 27:3

legan a paingasen ak na Dios;

Say Libro nen Job 17:11

Linmabas lay panaon ko; aderal iray planok; naandi lay ilalok.

Say Libro nen Job 14:21

Makagamur na kagalangan iray lalakin anak to, balet ta ag to amta; ag to met amta no napelag irad kababaingan.

Daniel 5:23

Ginawam iray sumpad Katawan na tawen, ta impaalam ira may kupa tan losur a nala ed Timplo to. Naniinoman yo, sika, saray manonan opisyal mo, saray asawam, tan saray iyaamung mon bibii tan inggalang mo ray diriyos a balituk, pilak, gansa, balatyang, kiew, tan bato—saray diriyos ya ag ira makanengneng odino makadngel tan anggapoy amta ran alu. Balet ag mo pinagalangan so Dios a walad lima toy bilay mo tan walad silong na pakayari toy amin a gagawaen mo.

Saray Tagleey 4:20

Narel day sobul na bilay mi, say arin pinili na Katawan; sikatoy manoley a nanmatalekan min mangyagel ed sikami ed anggan siopan ondogpad sikami.

Isaias 2:22

Ag kayo la manmamatalek ed too ya ag mansiansian mambilay. Anto tay kakanaan to?

Saray Salmo 90:3

Ibabagam ed too ya ompawil ed dabuk a gendat a kipapasen to.

Say Libro nen Job 17:1

Magano lay pangangga na bilay ko; wala ak la ed sangaban na lobuk.

Say Libro nen Job 14:10

Balet no ompatey so too, anggaan to la; no naoyus so linawa to, iner lad satan so kawalaan to?

Genesis 6:17

Delapen koy intiron dalin, pian naderal so antokaman a mabilay. Ompatey ya amin iray walad tapew na dalin,

Ecclesiastes 9:6

Kaambas da lan naandi so panangaro, panagbosul, tan say panagabagey da. Ag la ran balut mibali ed antokaman a nagagawa ed sayan mundo.