Saray Salmo 145:10 - Maung A Balita Biblia

¹⁰ Katawan, idayew ka na amin a pinalsam, tan pisalamatan ka na amin a totoom.

Maung a Balita Biblia

¹⁰ Katawan, idayew ka na amin a pinalsam, tan pisalamatan ka na amin a totoom.

Saray Salmo 145:10 Referans Kwoze

Saray Salmo 19:1

Ipapaamta na tawen so kagalangay Dios! Ipapanengneng to ray ginagawa na Dios!

Saray Salmo 103:22

Idayew yoy Katawan, amin yo ran pinalsa to, diad amin a pasen panooleyan to. Kamarerwak, idayew moy Katawan!

1 Pedro 2:9

Balet sikayoy apilin totoo, papari na Ari, sakey a bansan masanto, tan totoo na Dios. Say Dios pinili to kayon mangipulong na makapakelaw iran gawgawa to. Sikato met so anawag ed sikayod kabilongetan tan angyakar ed sikayod makapakelaw a liwawa to.

1 Pedro 2:5

Singger kayon singa mabilay iran bato, tan paikana kayo ed panggaway maispiritun timplo. Magmaliw kayon masanto a papari ed sayan timplo tan mangyapay kayoy maispiritu tan makapaliket iran bagat ed Dios diad panamegley nen Jesu-Cristo.

Saray Hebreo 13:15

Kanyan mangibagat tayo lawas na dayew ed Dios diad panamegley nen Jesus—dayew a mangibawag na pamirbir tayod ngaran to.

Isaias 44:23

Eyag kayod liket, sikayon katawenan! Eyag kayo, sikayon aralem a pasen na dalin! Eyag kayod liket, sikayon kapalandeyan, tan amin yon kakiewan ed katakelan! Diad impangilaban tod saray totoo ton Israel impanengneng toy inkatalonggaring to.

Saray Salmo 104:24

Katawan, amayamay iray pinapalsam a bengatla! Diad panamegley na ontan lan kakabatan mo, ginagawam ira! Say dalin napno na saray pinalsam.

Saray Salmo 97:12

Amin yon matonung, manggayaga kayo, lapud ginagaway Katawan! Nunot yoy ginagaway masanton Dios, tan misalamat kayod sikato.

Saray Salmo 68:26

“Idayew yoy Dios diad pantitipon da ray totoo to; idayew yoy Katawan, amin yon kabyangay boleg nen Jacob!”

Saray Salmo 32:11

Sikayo ran totoon matonung, manliket tan manggayaga kayo, lapud saray ginagaway Katawan! Amin yon matoluk ed sikato, iyeyag yoy liket yo!

Saray Salmo 30:4

Kantaan yoy panangidayew so Katawan, sikayo ran matoor a totoo to! Nunot yo no anto ray ginagawa na samay Masanto, tan pisalamatan yo!

Saray Salmo 22:23

“Idayew yoy Katawan, sikayo ran aripen to! Itanduro yo, sikayo ran kabyangay boleg nen Jacob; igalang yo, sikayo ran totood Israel!

Saray Salmo 30:5

Mangangganon onkekepay sanuk to, balet anggad samput na bilay so kaabigan to. Nayarin walay ermen no labi, balet onsoblay so gayaga no kabwasan so onsabi.

Saray Salmo 57:9

Pisalamatan ta ka diad arap da ray katoowan, O Katawan! Idayew ta kad arap da ray bansa!

Saray Salmo 69:35

Ilaban toy Jerusalem tan iletneg to lamet iray baley ed Juda. Manayam irad may totoo to tan kayaryanen day dalin;

Saray Salmo 149:5

Manliket komun iray totooy Dios lapud impanalo ra tan lawas mankanta ra komun a maliket.