Saray Salmo 143:7 - Maung A Balita Biblia

⁷ Ebatan mo ak pa la natan, Katawan! Naandi lan amiy ilalok! Ag mo ak pa iyaamutan, ta ompan sakey ak ed saray oonlad pasen a panaayaman da ray inaatey.

Maung a Balita Biblia

⁷ Ebatan mo ak pa la natan, Katawan! Naandi lan amiy ilalok! Ag mo ak pa iyaamutan, ta ompan sakey ak ed saray oonlad pasen a panaayaman da ray inaatey.

Saray Salmo 143:7 Referans Kwoze

Saray Salmo 69:17

Ag mo ak pa iyaamutan ya aripen mo; ebatan mo ak pa natan, ta ontan lay kagugunigon ko!

Saray Salmo 28:1

Ontatawag ak ed sika, Katawan, a manangyagel ko. Dengel mo ak pa! No ag mo ak ebatan, magmaliw ak a sakey ed saray totoon onlalasur ed pasen a panaayaman da ray inaatey.

Saray Salmo 27:9

Ag mo ak pa iyaamutan! Ag mo ak pa pamapasnukan; ag mo ak pa ipopolisay. Sikay mananulong ko; ag mo ak pa tataynan, ag mo ak pa ikakaindan, O Dios a manangilaban ko!

Saray Salmo 71:12

O Dios, ag mo ak pa aarawian; Dios ko, tulongan mo ak pa lan tampol!

Isaias 38:18

Diad pasen a panaayaman da ray inaatey, Anggapoy siopaman a makapangigalang ed sika; Ag makapanmatalek ed inkatoor mo iray inaatey.

Saray Salmo 102:2

Ag mo ak pa iyaarawian no wala ak ed gunigon! Dengel ka pad siak, tan ebatan mo ak pan tampol no ontawag ak!

Saray Salmo 69:3

Naksawan ak lan onkekerew na tulong, tan anagasang lay kolukolung ko. Onsasakit la ray matak diad panatalaran kod isabiy tulong mo.

Lucas 21:26

Patey-pateyan iray totood takot da diad panalagar dad kairapan ya onsabid sankamundoan, ta ag natombuk na saray pakayarid liwang so gendat a kinaoksuy da.

Isaias 57:16

Initdan ko na bilay iray totook, tan ag ko ituloy so pangakusak ed sikara odino pamasnuk kod sikara ed ando lan ando.

Isaias 8:17

Inyamutan na Katawan iray totoo to, balet manmamatalek ak ed sikato tan sikatoy paniilaloan ko.

Saray Salmo 70:5

Makapkapoy ak tan pakaskasi ak; ganatan mo pay ondagod siak, O Dios. Sikay mananulong tan manangilaban ko; dago mo ak pa lan tulongan, O Katawan ko!

Saray Salmo 40:17

Makapkapoy ak tan pakaskasi ak, O Katawan, balet nununoten mo ak. Sikay mananulong tan manangilaban ko; dago mo ak pa lan tulongan, O Dios ko!

Saray Salmo 22:24

Say Katawan, ag to papaolyan iray mairap-bilay, tan ag to lilingwanan so kairapan da; ag to met ira bebenegan, no ag ingen eebatan to ra no onkekerew iray tulong.”

Saray Salmo 84:2

Labalabay kon tuloy so makaloob diman! Pampilpilalekan koy manayam ed Timplo na Katawan. Diad intiron pusok sililiket ak a mankankanta ed mabilay a Dios.

Saray Salmo 69:18

Dago mo ak pa tan ilaban mo ak; iyagel mo ak pad saray kalaban ko.

Probirbio 13:12

Say ilalon mabayag ya aalagden pakakapoyen toy liknaan, balet say pilalek ya agamuran pagagayagaen to ka.