Saray Salmo 141:9 - Maung A Balita Biblia

⁹ Iyarawi mo ak pad saray patit ya intarya rad siak, diad saray patit da ray managgaway kaogsan.

Maung a Balita Biblia

⁹ Iyarawi mo ak pad saray patit ya intarya rad siak, diad saray patit da ray managgaway kaogsan.

Saray Salmo 141:9 Referans Kwoze

Saray Salmo 140:5

Pinatitan ak na saray mapaatagey a totoo; inlira da ray patit da, tan angyan ira na saray kalut ed dalan ta erelen da ak.

Lucas 20:20

Kanyan inalagar day pankanawnawan mangerel ed sikato. Wala ray inopaan dan totoo a mankonkonwariyan a maung iran totoo. Imbaki da ran mangerel ed kinen Jesus, diad panamegley na pantepet da, pian nipalima rad pakayari tan pakaoley na Gobirnador.

Probirbio 13:14

Sobul na bilay iray bangat da ray totoon makabat; ibaan da kan ompaliis no wala kad kaatapay patey.

Saray Salmo 119:110

Papatitan ak na saray totoon maoges, balet ag ko sinumlang iray ganggan mo.

Saray Salmo 38:12

Saray malabay a mamatey ed siak et papatitan da ak; saray malabay a mamasakit ed siak et tataktakoten da ak a pateyen; ag ira ontotondan mankokomplut sumpad siak.

Jeremias 18:22

Mangibaki ka pa na olup da ray totoon bigla-biglan mangakokos ed logan na saray kaabungan da; paeyag mo rad takot. Angotkot iray abut a kapelagan ko, tan angyan iray patit a pangerel dad siak.

Saray Salmo 142:3

Amta toy nepeg kon gawaen, no nanaekalan ak lay ilalo. Saray kalaban ko pinatitan da ak ed dalanen ko.

Saray Salmo 57:7

Walay talek na linawak, O Dios! Mankanta ak tan idayew ta ka!

Saray Salmo 64:3

Iyoobul dan singa ispada so kadilaan da, tan ipapatoyung dan singa pana iray anagasang a salita ra.

Saray Salmo 142:4

No onlingaw ak ed diking ko, anggapoy nanengneng kon ontulong ed siak; anggapoy mangyagel ed siak. Anggapoy mangaasikasod siak.