Saray Salmo 14:4 - Maung A Balita Biblia

⁴ Tetepeten na Katawan, “Sarayan totoon managgaway kaogsan, ag da amta? Pambibilay da ray tatakewen dad saray totook, tan ag ira mampipikasi ed siak.”

Maung a Balita Biblia

⁴ Tetepeten na Katawan, Sarayan totoon managgaway kaogsan, ag da amta? Pambibilay da ray tatakewen dad saray totook, tan ag ira mampipikasi ed siak.

Saray Salmo 14:4 Referans Kwoze

Saray Salmo 79:6

Pampasnukan mo pa ray bansan ag mangigagalang ed sika, saray totoon ag mampipikasid sika.

Jeremias 10:25

Idapom pa so pasnuk mo ed saray totoon ag mangigagalang ed sika, tan diad saray totoon mangipopolisay ed sika. Pinapatey da ray totoom; sigput da kamin dinederal, tan dinederal day bansa mi.

Isaias 64:7

Anggapoy onsisingger ed sikan mampikasi tan onkerew na tulong. Inyamutan mo kami tan inkaindan mo kami lapud saray kasalanan mi.

Saray Salmo 82:5

“Anggapoy amta yo! Ag ki makatalus! Sigput so inkaoges yo, tan naandi lay inkatonung diad tapew na dalin.

Saray Taga Roma 1:28

Lapud saray totoo et ag da labay a kabaten so Dios, pinaolyan to ra ed maoges iran kanunotan da, kanyan gagawaen day ag manepeg iran gawa.

Amos 8:4

Dengel kayod sayan salita, sikayo ran manggagatin ed saray walad pankaukolan tan mandederal ed saray mairap-bilay ed bansa.

Saray Salmo 27:2

No dogpaan ak a pateyen na saray totoon maoges, natiror tan natumba ra.

TAGA GALACIA 5:15

Balet no singa kayo ayayep a mankeketketan tan mampapasakitan, manalwar kayo ta ompan naoput kayo.

Oseas 7:7

“Diad inliub na petang na olo ra pinatey da ray manoley da. Impansosoblayan dan pinapatey iray arari ra, et anggapoy kinmerew ed siak na tulong.”

Isaias 45:20

Say Katawan kuanto, “Mantitipon kayo, sikayon totood saray bansa, amin yon nilaban nen atalo so impirio; mamparontal kayod panalaysay ed sikayo! Saray totoon mampaparadan awit da ray talintao ra tan mampipikasi rad saray diriyos ya ag makapangilaban ed sikara— totoo ran anggapon balut so amta!

Isaias 29:14

Kanyan pakelawen ko ra yan totoo diad panggawak ed sikara na mantotombukan a pakelaw. Saray makabat magmaliw iran makulang-kulang, tan say inkasilib da magmaliw ya andi-kana.”

Isaias 27:11

Amagaan iray sanga na saray kiew tan apoter-poter ira; saray bibii aalaen da ra yan itongo. Lapud anggapoy atalusan na saray totoo, ag ira abageyen o kasian na Dios a Manamalsa ra.

Say Libro nen Job 27:10

Nampilalekan to komun so liket ya iiter na Dios, tan nampikasi lawas komun ed sikato.

Isaias 5:13

Lapud saya, naala kayon priso ed arum a bansa. Ompatey ed eras iray pangulo yo, tan ompatey ed kaapgaan iray ordinarion totoo.

Say Libro nen Job 21:15

Isipen da ya ag nakaukolan so manlilingkur ed Dios, tan andi-kana so mampikasi ed sikato.

Probirbio 30:14

Wala ray totoon maruksa so panlalames dad saray mairap-bilay tan saray walad pankaukolan; onyay anapay bilay da.

Isaias 64:6

Nankasalanan kamin amin; marotarotak a tuloy so anggan say sankaabigan lan gagawaen mi. Lapud saray kasalanan mi singa kami saray amagaan a bolung ya intitikyab na dagem.