Saray Salmo 14:2 - Maung A Balita Biblia

² Manlapud tawen oosdungan na Katawan iray katoowan, ta labay ton nengnengen no wala ra kasiy makalakal, no wala kasiy mangigagalang ed sikato.

Maung a Balita Biblia

² Manlapud tawen oosdungan na Katawan iray katoowan, ta labay ton nengnengen no wala ra kasiy makalakal, no wala kasiy mangigagalang ed sikato.

Saray Salmo 14:2 Referans Kwoze

Saray Taga Roma 3:11

anggapoy makatalus o manaanap ed Dios.

Saray Hebreo 11:6

Ag panliketan na Dios so siopaman ya anggapoy pananisia to. Ta siopamay onsingger ed Dios, nakaukolan a manisian walay Dios, tan manisia met a tumangay Dios iray manaanap ed sikato.

Genesis 6:12

Say Dios ninmengneng ed mundo tan anengneng ton maoges, lapud maoges so pambibilay na amin a katoowan.

Daniel 12:10

Amayamay iray totoon nalinisan. Ag natalusan na saray totoon maoges, balet ituloy day panggagawa ray kaogsan; saray makabat labat so makatalus.

Mateo 13:15

ta inmawet so olo ra yan totoo, saray layag da nakar dan pinepetan, tan inkopit day mata ra. Lapud ag da labay a makanengneng, o makadngel, o makatalus ira, ta ompan lagi ompawil irad siak a mabolbolus, et paabigen ko ra, kuay Dios.’

2 Saray Awaran 19:3

Anggaman ontan, walay kamaungan mo. Inekal mon amin iray tanda na diosan Asera ya igagalang na saray totoo, tan nampilalekan moy mangonur na linaway Dios.”

Probirbio 9:16

“Gali dia, sikayon anggapoy amta a totoo!” Kuantod toon makulang-kulang,

Saray Salmo 82:5

“Anggapoy amta yo! Ag ki makatalus! Sigput so inkaoges yo, tan naandi lay inkatonung diad tapew na dalin.

Isaias 63:15

Katawan, manlapud tawen a panaayaman mo ed inkasantom tan kagalangan mo, nengneng mo kami pa. Iner so kawalaay baleg a panangimasakit mod sikami? Iner so kawalaay pakayarim? Kawalaay panangarom tan panangasim? Ag mo kami pa ibebeneg.

Jeremias 4:22

Say Katawan kuanto, “Anggapoy kalakal iray totook; ag da ak kabat. Singa ra ogogaw ya anggapoy kalakal; anggapoy pakatalus da. Marunong iran manggaway kaogsan, balet ag da amtay manggaway kamaungan.”

Isaias 55:6

Pawil kayod Katawan tan mampikasi kayod sikato, natan ta asingger ni.

Isaias 27:11

Amagaan iray sanga na saray kiew tan apoter-poter ira; saray bibii aalaen da ra yan itongo. Lapud anggapoy atalusan na saray totoo, ag ira abageyen o kasian na Dios a Manamalsa ra.

Isaias 8:19

Ibagad sika na saray totoo a mangipanon kad saray meremere tan mitimiti a pumaparles tan saray managpanon ed saray ispiritu na inaatey. Ikuanda, “Say katwaan to, saray totoo nepeg iran mangipanon ed saray ispiritu, tan ipanonan da ray mabilay ed saray inaatey.”

Probirbio 8:5

Sikayon inoogaw niy kalakal, magmaliw ki lan makatalus; sikayon makulang-kulang, mankalakal kayo la.

Probirbio 2:9

No dengelen mo ak, naamtaan mo no antoy maptek, matonung, tan matwa. Naamtaan mo no antoy nepeg mon gawaen.

Saray Salmo 92:6

Say makulang-kulang ag to natalusan tan say ambagel ag to natebek

Saray Tagleey 3:50

Ya anggad osdungan a nengnengen itayo na Katawan a walad tawen.

Probirbio 9:4

“Loob kayo, sikayon totoon anggapoy amta!” Insan diad toon makulang-kulang kuanto,

Saray Salmo 107:43

Nudnunoten komun na saray makabat ira yan bengatla; motekteken da komun so ag mangoman a panangaroy Katawan.

Genesis 18:21

Nakaukolan ya onakseb ak, ta kabaten ko no tua kasi o andi ira yan nadngelan kon dalem.”

Genesis 11:5

Inmakseb so Katawan, ta nengnengen toy siudad tan say tori ya impaalagey na saraman a totoo,

Isaias 64:1

Akin et ag mo gaygayen so tawen, insan ka onlasur? Nanengneng ka na kapalandeyan tan onyegyeg irad takot da.

Saray Salmo 69:32

No nanengneng ya na saray napapairap, manggayaga ra; saray mangigagalang ed Dios et ombiskeg so linawa ra.

2 Saray Awaran 30:19

“O Katawan a Dios na saray lalaki mi, lapud kaabigan mo pirdonam pa ra yan masimoon a mangigagalang ed sika, anggaman ya aliwa ran malinis onung ed ganggan.”

Say Libro nen Job 15:14

Walay toon nagnap a malinis so puso to? Walay toon nagnap a matonung ed arap na Dios?

Saray Salmo 11:4

Say Katawan walad masanton timplo to; walad tawen so trono to. Babantayan toy amin a katoowan tan amta to ray gagawaen da.

Jeremias 5:1

Totood Jerusalem, batik kayod saray dalan yo! Nengneng kayod kaliber-liber! Nengneng yon dili! Sokimat yo ray tindaan! Makalmo kayo kasiy anggan sakey a toon manggagawa na katonungan, tan manaanap na kaptekan. No walay narumog yo, pirdonaen na Katawan so Jerusalem.