Saray Salmo 139:2 - Maung A Balita Biblia

² Antam ya amin iray gagawaen ko; anggan arawiy kawalaan mo, natatalusan mo ray kanunotan ko.

Maung a Balita Biblia

² Antam ya amin iray gagawaen ko; anggan arawiy kawalaan mo, natatalusan mo ray kanunotan ko.

Saray Salmo 139:2 Referans Kwoze

Mateo 9:4

Amta nen Jesus so walad kanunotan da kanyan inkuanto, “Akin et maoges so walad kanunotan yo?

2 Saray Arari 19:27

“Balet amtak ya amin iray nipaakar ed sika, saray gagawaen mo tan saray lalaen mo. Amtak so ontan lan petang na olom ed siak.

Lucas 9:47

Amta nen Jesus no antoy nununoten da, kanyan anawag na sakey ya ogaw tan pinaalagey tod abay to.

Saray Salmo 94:11

Amta na Katawan so nununotey totoo; amta to ya andi-kakanaan so panagnunot da.

Isaias 37:28

“Balet amtak iray amin a nipaakar ed sika, saray gagawaen mo tan saray lalaen mo. Amtak so mapalalon petang na olom ed siak.

Probirbio 15:3

Sankanengneng na Katawan iray nagagawa ed inerman a pasen; bambantayan to itayo, maung man o maoges so gagawaen tayo.

Saray Salmo 56:8

Kabat mo so ontan lan kagugunigon ko; susukaten moy karakel na luak tan ililistam ira ed libro.

2 Saray Arari 6:12

Inmebat so sakey ed sikara, “Ang-gapod sikami, Kagalang ya Ari. Ibabaga nen propita Eliseo ed ari na Israel so anggan say ibabagam ed dalem na dilin kuartom.”

Genesis 16:13

Tinepet nen Agar ed sikaton dili, “Anengneng ko tan talaga so Dios, et mabilay ak ni?” Inngaran to sirin so Katawan ya akisalitad sikato na, “Dios a Mannenengneng.”

1 CORINTO 4:5

Kanyan ag kayo manisintinsia no aliwa nin panaon to. Manalagar kayo ya anggad isabiy Katawan. Ipalinew tod satan iray bengatlan niamut ed kabilongetan tan ipaamta to ray niamut a getma na katoowan. Diad satan ya oras, naawat na balang sakey so kanepegan ton dayew a manlapud Dios.

Ezekiel 38:17

Sika so sinalitak la nen abayag lan panaon, nen imbawag ko diad panamegley na saray aripen kon propita ed Israel, ya onsabi ray agew a mangibaki ak na toon ondogpad Israel.” Say Katawan a Dios so nansalita.

Deuteronomio 31:21

et amayamay a makapataktakot a deral so ondalan ed sikara. Balet nakanta yan kanta, tan magmaliw a sakey a tasi a sumpad sikara. Anggan natan, kasakbayan ko ran iyakar ed dalin ya insipan kod sikara, amtak la so nununoten da.”

Saray Salmo 44:22

Balet lapud sika, napapatey kami lawas, tan nipapasen kamin singa karniron papatasen.

Ezekiel 11:5

Linmoob ed siak so ispiritu na Katawan, tan imbaga na Katawan ed siak ya ikuankod saray totoo so kuanto: “Totood Israel, amtak iray sasalitaen yo tan saray iplaplano yo.