Saray Salmo 138:8 - Maung A Balita Biblia

⁸ Sumpalen mon amin iray insipan mod siak; Katawan, andi-anggaan so panangarom. Sumpal mo pay kimey ya inggapom.

Maung a Balita Biblia

⁸ Sumpalen mon amin iray insipan mod siak; Katawan, andi-anggaan so panangarom. Sumpal mo pay kimey ya inggapom.

Saray Salmo 138:8 Referans Kwoze

FILIPOS 1:6

Ag ko panduaruwaan ya isumpal na Dios so inggapo tod sikayon maung a gawa, anggad isabi na Agew nen Jesu-Cristo.

Saray Salmo 57:2

Ontatawag ak ed Dios a Sankatageyan, diad Dios a mangiiter na amin a nakakaukolan ko.

1 TESALONICA 5:24

Gawaen ya na anawag ed sikayo, ta sikato et matoor!

Isaias 26:12

Sika, O Katawan, so mamaaligwas na bilay mi; sikay makankimey ed amin da ray gagawaen mi.

Saray Salmo 136:1

Misalamat kayod Katawan, ta sikato et maung tan andi-anggaan so panangaro to.

Saray Salmo 103:17

Balet mansiansian anggad angga so panangaroy Katawan ed saray mangigagalang ed sikato, tan magnayon ed amin a kailalakan so kaabigan to,

1 Pedro 4:19

Kanyan saray manirap onung ed linaway Dios nepeg a manmatalek irad matoor a Manamalsa. Imatalek day intiron bilay dad sikato diad panamegley na panggawa ray maung a bengatla.

Isaias 43:21

Sikaray totoon ginawak a para siak, mankanta ra na saray dayew ko!”

Isaias 42:16

“Itabin ko ray bulag a totook diad saray dalan ya ag da nin balut nanakaran. Pagmaliwen kon liwawa so bilonget da tan pataren koy matibagkul a dalin da. Sikara yay sipan ko, et sumpalen ko ran sumpalen.

Saray Salmo 100:5

Maung so Katawan; ando lan ando so panangaro to tan anggad angga so inkatoor to.

Saray Salmo 100:3

Birbir yon Dios so Katawan! Pinalsa to itayo, tan kayaryan to itayo; totoo to itayo, saray karniro to.

Saray Taga Roma 5:10

Kabosul itayoy Dios nen saman, balet natan kakaaro to ti la diad panamegley na impatey na Anak to. Natan ta kakaaro itayo lay Dios, lalon andi-saew a nilaban itayo diad panamegley na bilay nen Cristo!

Juan 15:2

Ekalen toy balang sangan ag mambunga tan palinan to so sangan mambubunga, pian lalon ondakel so bunga to.

Say Libro nen Job 14:15

Insan ka ontawag et onebat ak; manliket kad satan ed siak, siak a pinalsam.

Say Libro nen Job 10:8

Minoli ak na saray liman tan ginawa mo ak, et natan saratan nin limam so manederal ed siak.

Say Libro nen Job 10:3

Manepeg kasin maruksa ka? Manepeg kasin balawen moy dilin pinalsam? Insan panliketan mo ray plano na saray maoges a totoo?

Judas 1:1

Sayan sulat nanlapud kinen Judas ya aripen nen Jesu-Cristo, tan agi nen Santiago— Diad saray tinawag na Dios a mambibilay irad panangaroy Dios Ama tan panagtalima nen Jesu-Cristo:

Saray Salmo 57:3

Manlapud tawen ebatan to ak tan ilaban to ak; taloen to ray mamapairap ed siak. Ipanengneng na Dios ed siak so ag mangoman a panangaro to tan say inkatoor to.