Saray Salmo 136:16 - Maung A Balita Biblia

¹⁶ Inwanwan to ray totoo to diad imbeltang dad kalawakan; andi-anggaan so panangaro to.

Maung a Balita Biblia

¹⁶ Inwanwan to ray totoo to diad imbeltang dad kalawakan; andi-anggaan so panangaro to.

Saray Salmo 136:16 Referans Kwoze

Deuteronomio 8:15

Inwanwan to kayon binmeltang ed samay maawang tan makapataktakot a kalawakan a kawalaan na saray nanditan oleg tan alakdan. Diad saman ya amaga tan anggapoy danum a dalin pinapaway tod baton dampay so danum a para sikayo.

Exodo 15:22

Manlapud Dayat ya Ambalanga si Moises inwanwan ton amaarap ed kalawakan na Sur iray Israelita. Taloy agew a nanakar irad kalawakan, balet anggapoy nalmo ran danum.

Exodo 13:18

Kanyan impasaliberber to ra la laingen ya ombeltang ed kalawakan tan ombaliw ed Dayat ya Ambalanga. Nen tinaynan day Egipto iray Israelita akaarmas ira na para bakal.

Saray Salmo 77:20

Diad panangipangulo di Moises tan Aaron, singa ka pumapastol ya angiwanwan ed saray totoom.

Deuteronomio 8:2

Nunot yo no panoy impangiwanwan ed sikayo na Katawan a Dios yo ed loob na apataploy taon diad kalawakan, impanlikna to kayoy kairapan a panubok ed sikayo, pian naamtaan to no antoy ginetma yon gawaen tan no kasi onuren yo ray ganggan to odino andi.

Isaias 49:10

ag iran balut naerasan odino naapgaan. Ag ira napasakitan na petang na agew tan makasinit a dagem, ta iwanwan ira na samay maarod sikara. Iwanwan to rad abay na sobul na danum.

Nehemias 9:19

Balet ag mo ra inkaindan dimad kalawakan, lapud baleg so panangasim. Ag mo pinaandi imay lorem odino samay apoy ya angiwanwan ed sikara no labi tan no agew diad impankurang da.

Nehemias 9:12

Diad panamegley na lorem inwanwan mo ra no agew, tan no labi niliwawaan mo ra na apoy so dadalanen da.

Deuteronomio 11:5

Amta yo no anto ray ginagawa na Katawan a pankaabigan yo diad kalawakan kasakbayan ya akasabi kayo dia.