Saray Salmo 134:2 - Maung A Balita Biblia

² Diad Timplo itagey yoy kalimaan yo a mampikasi, tan idayew yoy Katawan!

Maung a Balita Biblia

² Diad Timplo itagey yoy kalimaan yo a mampikasi, tan idayew yoy Katawan!

Saray Salmo 134:2 Referans Kwoze

Saray Salmo 28:2

Dengel mo ak pa no onkerew ak ed sika na tulong, no iyatagey ko ray limak tan iyarap ko rad masanton Timplom.

1 Timoteo 2:8

Labay kon saray lalakid inerman a pasen et mampikasi ra, saray lalakin matoor ed Dios, anggapoy iirapen day linawa tan anggapoy kakolkol da.

Saray Salmo 63:4

Misalamat ak ed sika leleg kon mambibilay; itagey ko ray limak a mampikasid sika.

Saray Salmo 141:2

Awat mo pan singa insinso so pikakasik, tan saray akatagey a limak a singa bagat no labi.

Saray Tagleey 3:41

Lokasan tayoy puso tayo ed Dios a walad tawen, tan mampikasi tayo,

Saray Tagleey 2:19

Diad sanlabi liing-liing kan ontawag ed Katawan; Walwalan moy pusom tan kerew mod sikato a kasian to ray anak mo— Saray anak ya ompapatey ed eras diad balang sokung na daladalan!

Saray Salmo 63:2

Nanengneng ta ka komun ed santuario; ipanengneng mo pad siak so ontan lan pakayarim tan kagalangan mo.

Saray Salmo 26:6

Katawan, oorasan ko ray limak a pangipanengneng kon anggapoy kasalanan ko, tan liliberen koy altar mo diad pangigagalang kod sika.

Nehemias 8:6

Inkuanen Esdras, “Nadayew komun so Katawan, say matalonggaring a Dios!” Amin a totoo inyatagey day lima ra tan kuanda, “Amen, Amen!” Insan ira dinmakmomon angigalang ya anggad dalin.

Saray Salmo 63:5

Mampista so kamarerwak et napenek, tan ikantak iray magayagan kanta a pangidayew kod sika.