Saray Salmo 133:2 - Maung A Balita Biblia

² Singa mablin panaglanan larak a managagos ed olo tan balbas nen Aaron, ya anggad kuilyo na kawes to.

Maung a Balita Biblia

² Singa mablin panaglanan larak a managagos ed olo tan balbas nen Aaron, ya anggad kuilyo na kawes to.

Saray Salmo 133:2 Referans Kwoze

Levitico 8:12

Kinonsagra toy Aaron diad impangikalbo tod olo to na larak a panaglana.

Exodo 29:7

Insan mo alaen so larak a panagpoyuk, ikalbom ed olo to, tan poyukan mo.

Probirbio 27:9

Say larak tan say pabalingit paliliketen da ka, balet say gunigon gogoloen toy isip mo.

Exodo 39:24

Diad liber-liber na saloy to pineketan da na saray granada a puron linen tan ginawad asul, purpura, tan ambalangan tinebey, tan insaletsalet da ray kampanilya a puron balituk, onung na ingganggan na Katawan ed kinen Moises.

Juan 12:3

Angalay Maria na sakey botilyan nankargay sakey libran mabmablin pabalingit a puron nardo. Inkalbo tod saray sali nen Jesus, insan to ra pinonasan na buek to. Kinmayat so balingit ed intiron abung.

Kanta nen Solomon 1:3

Ambalbalingit ka, singa mansamiong a pabalingit so ngaran mo. Kanyan amin a marikit aroen da ka.

Saray Salmo 141:5

Nayarin dusaen tan pampasnukan ak na maung a too diad panangasi to, balet ag ko abuloyan a pagalangan ak na saray totoon maoges, ta ipipikasik lawas so sumpad maoges iran gawa ra.

Exodo 28:33

Diad liber-liber na saloy to peketan mo na saray granada a ginawad asul, purpura, tan ambalangan tinebey, tan isaletsalet mo ray kampanilya a balituk.

Exodo 30:35

Manggawa ka na insinso, a singa panaggawa na pabalingit. Laukan mo na asin pian mansiansian puro tan masanto.