Saray Salmo 132:6 - Maung A Balita Biblia

⁶ Nadngelan mid Betlehem so nipaakar ed Kaban na Sipanan, tan nalmo mi ed kaalogay Jearim.

Maung a Balita Biblia

⁶ Nadngelan mid Betlehem so nipaakar ed Kaban na Sipanan, tan nalmo mi ed kaalogay Jearim.

Saray Salmo 132:6 Referans Kwoze

1 Samuel 17:12

Si David et anak nen Jesse ya Efratita, a taga Betlehem ed Juda. Si Jesse waloray anak ton lalaki, tan masikesiken la nen ari si Saul.

1 Samuel 7:1

Kanyan inala na saray taga siudad na Kiryat-jearim so Kaban na Sipanan na Katawan tan inyakar dad abung nen Abinadab a manaayam ed toktok na sakey a pokdul. Si Eleazar a lakin anak nen Abinadab so kinonsagra ran mangasikasoy Kaban na Sipanan na Katawan.

Mikias 5:2

Say Katawan kuanto, “Betlehem Efrata, sakey ka ed saray ankekelag a baley na Juda, balet sika so panlapwan na sakey a manoley ed Israel, a say sengeg na pamilya to et natonton ed saray inmona-ona ran panaon.”

Ruth 1:2

Elimelec so ngaran na sayan laki, Noemi so asawa to, tan Mahalon tan Kelion iray anak to. Kabyangan ira na boleg nen Efrata.

Genesis 35:19

Nen inatey si Raquel, imponpon dad gilig na dalan a mamaarap ed Efrata, a tatawagen natan na Betlehem.

2 Samuel 6:3

Inala rad abung nen Abinadab a walad toktok na pokdul, insan da inlugan ed sakey a balon kariton. Di Uza tan Ahio a lalakin anak nen Abinadab so angiwanwan ed samay kariton.