Saray Salmo 132:14 - Maung A Balita Biblia

¹⁴ “Diay panayaman ko ya anggad angga; diay labay kon panoleyan.

Maung a Balita Biblia

¹⁴ Diay panayaman ko ya anggad angga; diay labay kon panoleyan.

Saray Salmo 132:14 Referans Kwoze

Saray Salmo 132:8

Katawan, gala pad Timplo a kaibam so Kaban na Sipanan, say tanda na pakayarim, tan manayam ka dian anggad angga.

Isaias 12:6

Maneyag tan mankanta kayod liket, sikayon manaayam ed Sion! Matalonggaring so masanton Dios na Israel, tan manaayam ed kawalaan da ray totoo to.”

Saray Salmo 135:21

Idayew yoy Katawan diad Sion, diad Jerusalem a panaayaman to. Idayew yoy Katawan!

Saray Salmo 87:2

inaro to niy siudad na Jerusalem nen say dinan man a pasen ed Israel.

Saray Salmo 76:2

Walad Jerusalem so abung to; manaayam ed Palandey na Sion.

1 Saray Arari 8:13

Amaalagey ak na marakerakep a Timplon para sika, sakey a pasen a panayaman mo diad ando lan ando.”

Sofonias 3:17

Walad sika so Katawan a Dios mo; panaloen ka na pakayari to. Manliket so Katawan ed sika, tan lapud panangaro to itdan to kay balon bilay Mankanta tan manliket ed sika,

Isaias 8:18

Wadya ak, kaibak iray anak ya inter ed siak na Katawan. Say Katawan a Makapanyarin-amin a say trono to et walad toktok na Palandey na Sion, ginawa to kamin mabilay a tanda a pakapatnagan na saray totoo ed Israel.

Saray Salmo 68:18

Onkakalab ed saray atagey a pasen, a sankaawit to ray amayamay a priso; mangaawat na saray rigalo da ray totoon mananumpa. Manayam diman so Dios a Katawan!

TAGA-EFESO 2:22

Diad pikakasakey yod sikato, akikasakey ki met ed saray arum, tan magmamaliw kayon sakey a pasen a panayamay Dios diad panamegley na Ispiritu to.

Mateo 23:21

No say Timplo so pansambaan na sakey a too, say Timplo tan say Dios a manaayam diman so talagan pansambaan to.

Isaias 66:1

Say Katawan kuanto, “Say tawen so tronok tan say dalin so toonan na salik. Anton klasiy abung sirin so ipaalagey yon para siak, anton klasiy pasen so panayaman ko?

Isaias 57:15

“Siak so atagey tan masanton Dios a mambibilay ed ando lan ando. Manaayam ak ed atagey tan masanton pasen, balet manaayaman ak met ed kawalaan da ray mapaabeba tan magbabawin totoo, pian nipawil koy biskeg na linawa ra tan say ilalo ra.

Isaias 11:10

Onsabiy agew a say balon ari a nanlapud saray manarin kabyangay boleg nen David et magmaliw a sakey a tanda ed saray bansa. Mantitipon irad panaarian ton siudad tan sikatoy igalang da.

Puyan 21:23

Ag la nakaukolay agew o bulan a manilew ed siudad, ta say kagalangay Dios so manliwawad man, tan say Kordiro so lamparaan na siudad.

Saray Hebreo 12:22

Balet say sininggeran yo say Palandey na Sion tan say siudad na Dios a mabilay, say mangatatawen a Jerusalem, a kawalaay libo-libo ran anghil.

Saray Salmo 68:16

Balet, O palandey ya amayamay so toktok, akin et anlemlemew so pangipapasen mod palandey a piniliy Dios a panayaman to? Say Katawan manayam diman ya anggad angga!

1 Saray Arari 8:27

“Balet tua kasin makapanayam ka ed tapew na dalin, O Dios? Ag ka nakarga na anggan say intiron tawen; panon ko sirin a kargaen na sayan Timplon impaalagey ko?

1 Saray Arari 9:3

Inkuan na Katawan ed sikato, “Nadngel koy pikakasim. Pasantosen ko yan Timplon impaalagey mo, ta sikatoy pasen a pangigalangan ed siak diad ando lan ando. Asikasoen tan iyagel ko ed anggan anton panaon.

1 Saray Awaran 23:25

Inkuanen David, “Say Katawan a Dios na Israel initdan to na kareenan iray totoo to, tan sikato et manayam ya anggad angga ed Jerusalem.