Saray Salmo 131:1 - Maung A Balita Biblia

¹ Katawan, intondak lay mampaatagey, tan inkaindan ko lay mampasirayew. Anggapoy pibabalian kod saray ankakabaleg a pamaakaran, o saray bengetlan ag ko natalusan.

Maung a Balita Biblia

¹ Katawan, intondak lay mampaatagey, tan inkaindan ko lay mampasirayew. Anggapoy pibabalian kod saray ankakabaleg a pamaakaran, o saray bengetlan ag ko natalusan.

Saray Salmo 131:1 Referans Kwoze

Saray Taga Roma 12:16

Pampapara yoy panangaro yod amin a too. Ag kayo mapaatagey, no ag ingen mikaaro kayod saray mapaabeba. Ag yo ipapasen a makabkabat kayo.

Saray Salmo 139:6

Aralem a tuloy so pakaamtam ed siak; ag ko nayarian a tokuren.

Say Libro nen Job 42:3

Tetepeten mo ya alay tepel kon manduaruwad kakabatan mo, anta sakey ak ya anggapoy amta. Nansalita ak na nipaakar ed saray bengatlan ag ko natalusan, nipaakar ed saray makapakelaw a bengatlan ag ko naamtaan.

Jeremias 45:5

Aanapen moy nidoman bengatlan para sikan dili? Ag mo la itutuloy, ta deralen koy amin a katoowan; anggaman ontan, nipaliis kad patey anggan iner so laen mo. Siak, say Katawan, so nansalita.”

Saray Salmo 101:5

Paarawien koy siopaman a beneg-benegan a mamapaoges ed kapara ton too; ag ko anosan so too a mapaatagey tan malastug.

Saray Salmo 124:1

Anto kasi no ag itayo tinulongay Katawan? Ebat ka, O Israel!

Saray Salmo 122:1

Makaliliket ak nen inkuandad siak, “Onla itayod abung na Katawan.”

Saray Bilang 12:3

Mapaabeban too si Moises; anggapo lad tapew na dalin so toon mapaabeba nen say sikato.)

Mateo 11:29

Sakbat yoy pakok tan manaral kayod siak, ta mauyamo tan mapaabeba ak, et makapampainawa kayo.

Saray Salmo 133:1

Agaylay abig tan makapaliket ed saray totooy Dios a mambilay iran mankakasakey!

1 Samuel 18:23

Kanyan imbaga da ya ed kinen David, tan inmebat, “Baleg a kagalangan so magmaliw a manugang na ari, baleg a tuloy ed sakey a mairap-bilay tan abebad kipapasen a singa siak.”

1 Samuel 16:22

Insan si Saul impaikuan tod kinen Jesse, “Labay koy David. Iyabuloy mon manayam la dian manlingkur.”

1 Samuel 16:18

Inkuan na sakey ed saray managlingkur to, “Si Jesse a taga Betlehem et walay anak ton laki a maung a manogtog. Masebeg met tan guapon laki, maung a sondalo, tan maung a manalita. Walad sikato so Katawan.”

1 Samuel 16:13

Inala nen Samuel so larak na oliba tan nilanaan toy David diad arap da ray agagi to. Linmoob a tampol ed kinen David so ispiritu na Katawan tan walad sikato manlapud saman ya agew. Insan amawil lad Rama si Samuel.

Deuteronomio 17:20

Diad onya ag to isipen ya atagey niy kipapasen to nen saray kapara ton Israelita tan niyarawi ed panumlang tod saray ganggan na Katawan diad anggan anton polaing. Diad ontan ombayag so panoley tod Israel, tan kapag onsalat a manoley et manlapud boleg to.

Saray Taga Roma 11:33

Agaylay karakel so kayamanay Dios! Ag natokur so kakabatan tan pakatalus to! Ag natalusan iray panagsintinsia tan kagagawa to!

Saray Gawgawa 20:19

Sipapaabeba ak a nanlilingkur ed Katawan, tinmeterter so luak, tan intetepel koy amayamay a kairapan lapud saray maoges a getma ray Judio ed siak.

Jeremias 17:16

Balet, Katawan, ag ta kan balut tinanggoyur a mangyakar na deral ed sikara; ag ko anggan nampilalekan ya onsabiy panaon na gunigon ed sikara. Katawan, kabat mo ya; amtam no antoy imbagak.

1 Samuel 17:15

si David nampawil-pawil ed Betlehem a manasikasoy karniro nen ama to.

1 TESALONICA 2:10

Natasian yo, ontan met na Dios, a nambilay kamin masanto, matonung, tan anggapoy pakabalawan ed impipiolup mid sikayo ran mananisia.

2 Samuel 6:22

tan iloor kon pabandayen so siak a dili. Nayarin ipasen mo ak ya andi-kana, balet atagey so pangipasen ed siak na saramay bibiin asalitam!”

Probirbio 21:4

Say panagpaatagey tan say ag pangitaltalek so manooley ed saray totoon maoges; saya et kasalanan.