Saray Salmo 13:2 - Maung A Balita Biblia

² Kapigan mangangga yan panliliknak na irap? Kapigan mangangga yan paneermen na pusok ed agew tan labi? Kapigan mangangga so panatalod siak na saray kalaban ko?

Maung a Balita Biblia

² Kapigan mangangga yan panliliknan na irap? Kapigan mangangga yan paneermen na pusok ed agew tan labi? Kapigan mangangga so panatalod siak na saray kalaban ko?

Saray Salmo 13:2 Referans Kwoze

Jeremias 8:18

Ag napaabig so kaermenan ko; walay sakit ko diad pusok.

Jeremias 15:18

Akin et ag mansamput so paniirap ko? Akin et ag onabig iray sugat ko? Getmam ta ya ekalan ak na biskeg na linawa a singa kolus a nanaekatan no tiagew?”

Saray Tagleey 1:5

Nampalabo ray kalaban to; sikato lay walad silong na pakayari ra. Paniirapen na Katawan, lapud amin ya amayamay a kasalanan to; Anggan saray ogogaw adakep ira tan sikaray inaawit na kalaban da.

Ecclesiastes 5:17

Nagunggona tayoy mambilay a walay bilonget tan ermen, magunigon, mapasnuk, tan walay sakit.

Probirbio 15:13

No maliket iray totoo onimis ira, balet no maermen ira ombilonget so lupa ra.

Say Libro nen Job 10:15

No mankasalanan ak pangaskasiyay kipapasen ko, balet no manggawa ak na katunongan anggapoy nagunggonak, Nanairapan ak tan napno ak na kababaingan.

FILIPOS 2:27

Tuan nansakit tan inatey lawari, balet kinasiay Dios tan pati siak so kinasian to. Pati siak kuanko, ta diad inyabig to nipaliis ak ed pinasyan ermen komun.

Saray Taga Roma 9:2

Agaylay ermen ko, tan agaylay ag itonday sakit na pagew ko, lapud saray agagik, saray kadalaan tan kabaleyan ko.

Juan 16:6

Natan ta imbagak ira yad sikayo, mapalaloy ermen na puso yo.

Mateo 26:38

tan kuantod sikara, “Agaylay ermen ko tan ngalngalik la ipatey. Dia kayo tan mipuyat kayod siak.”

Saray Tagleey 1:9

Sankanengneng so inkarotakan to, balet anggapoy walad sikato so agawad sikato. Makapasinagem so inkaplag to; anggapoy manligliwad sikato. Analo ray kalaban to, tan kekerewen to a kasian na Katawan.

Saray Salmo 116:3

Walad kaliber-liber ko so kaatapan na patey, manasingger ed siak so patit na lobuk; napno ak na takot tan paga.

Saray Salmo 74:18

Balet, Katawan, nunot mo a babalawen da ka na saray kalaban mo; totoo ran anggapoy Dios tan lelemlemewen da ka.

Saray Salmo 74:10

Kapigay pangangga, O Dios, so pamabalaw ed sika na saray kalaban mi? Anggad angga so panlelemlemew dad ngaran mo?

Saray Salmo 42:4

Onsasakit so pusok kapag nanununotan ko ray agawa nen saman, nen kaibak iray karaklan a linmad abung na Dios, tan inwanwan ko rad panaakar da; malikeliket iran mankankanta tan maneeyag na dayew ed Dios.

Saray Salmo 31:18

Patondam pa lan pansasalitaen iray matitila— amin da ray malalastug tan mapaatagey a mansasalitay pamabaing nipaakar ed saray totoon matonung.

Saray Salmo 17:9

pian ag ak nadogpaan na saray totoon maoges. Liliktuben ak na saray masebeg a kalaban ko;

Saray Salmo 10:18

Dengelen moy tawag da ray napapairap tan saray olila; diad pananintinsiam kilingan mo ra pian ag la makapantaktakot iray totoon ompatey met lamlamang.

Saray Salmo 9:6

Angga lad angga ya aderal iray kalaban mi. Dineral mo ray siudad da, tan sigput la ran alingwanan.

Saray Salmo 8:2

tan ikakanta na saray ogogaw tan saray kapangyanak. Maligen ka tan ag ka nasisigensigen na amin a kalaban mo; sarasarag mon patondaen iray onsusumlang ed sika.

Saray Salmo 7:2

ta no andi, singa ra lion a mangyakar ed siak ed arawin pasen, ya anggapo lad may makapangilaban ed siak, et bingbingkasen da ak.

Ester 7:6

Inmebat si Ester, “Say kalaban mi et sayan toon maoges tan managpairap ed sikami—si Haman!” Asabyan na baleg a takot si Haman diad arap na ari tan say riyna.

Nehemias 2:2

kanyan tinepet to, “Akin et maermen ka? Aliwa ka met a mangiinagem, kanyan talagan maermen ka.” Apagaan ak ed saya

1 Samuel 24:19

No naerel na sakey a too so kalaban to, ibolus to kasin ag adiwit? Bindisionan ka komuy Dios lapud ginawam ed siak ed sayan agew!

1 Samuel 18:29

Kanyan lalon tinmakot ed kinen David tan kinabosul to legan ton nambilay.

Lucas 22:53

Inagew-agew ak a walad Timplo tan wadman kayo met, balet ag yo ak inerel. Balet sikato yay oras yon onggalaw, no say pakayari na kabilongetan so manoley.”

Jeremias 45:3

ibabagam, ‘Pakaskasi ak la! Say Katawan inaruman to na ermen iray gunigon ko. Makapkapoy ak lad panagdageyem, tan ag ak makapampainawa!’

Saray Salmo 38:17

Ngalngali ak la natumba, tan ag ontotonday panliliknak na sakit.

Saray Salmo 6:4

Singgeran mo ak pa, Katawan, tan ilaban mo ak; iyagel mo ak pa, lapud ag mangoman a panangarom.

Saray Tagleey 5:20

Akin et abaybayag lay impangikaindan mod sikami? Ag mo kami la nanunotan?