Saray Salmo 125:3 - Maung A Balita Biblia

³ Ag magnayon a manoley ed dalin na saray totoon matonung iray totoon maoges; ta no magnayon so panoley da, nayarin manggawa met na kaogsan iray totoon matonung.

Maung a Balita Biblia

³ Ag magnayon a manoley ed dalin na saray totoon matonung iray totoon maoges; ta no magnayon so panoley da, nayarin manggawa met na kaogsan iray totoon matonung.

Saray Salmo 125:3 Referans Kwoze

Probirbio 22:8

No mantanem kay bokel na aliwan inkatonung, say deral so onsulming, tan ontonda lay panagpairap mod arum a totoo.

Saray Salmo 89:22

Ag ontalonad sikato iray kalaban to; ag taloen na saray maoges a totoo.

Puyan 2:10

Ag mo tatakotan iray kairapan ya asingger mo lan sakbaten. Dengel ka! Diad panubok na Diablo, paipriso toy pigarad sikayo; nairapan kayon samploy agew. Mansiansia kan matoor ed siak ya anggad patey, et iter kod sikay korona na bilay.

1 CORINTO 10:13

Anggapo niy sinmabin tukso ed sikayo ya ag ni asaliy karaklan. Matoor so Dios, kanyan ag to iyabuloy ya onsabid sikayoy tukson ag yo nayarian a taloen. Itdan to kayo ingey biskeg no natukso kayo, pian napaliisan yo, et manalo kayo.

Isaias 27:8

Dinusa na Katawan iray totoo to diad panamegley na impangibantak tod sikara ed arum a bansa. Impaibantak to ra ed mabiskeg tan maruksan dagem a nanlapud bokig.

1 Samuel 24:10

Nanengneng mon dili a nanagonuyan labat impasilong ka na Katawan ed pakayarik. Pigaran totook so angibagad siak a pateyen ta ka, balet et ag ko ya ginawa tan kuankon ag ta ka pasakitan, ta pinili ka na Katawan a manari.

Isaias 10:5

Inkuan na Katawan, “Asiria! Ikanak so Asiria a singa pekpek a panusak ed saray totoon pamapasnukan ko.

Saray Salmo 103:9

Aliwan lawas so panagpasnuk to; aliwan anggad angga.

Saray Salmo 103:14

Amta to no antoy inkagawa tayo; nanununotan ton dabuk itayo.

Saray Salmo 55:20

Samay gendat a kaibak dinogpaan to ray kakaaro to; ag to tinoor iray sipan to.