Saray Salmo 124:7 - Maung A Balita Biblia

⁷ Akabatik itayon singa manok a nablus ed patit; apultot so patit, tan nablus itayo!

Maung a Balita Biblia

⁷ Akabatik itayon singa manok a nablus ed patit; apultot so patit, tan nablus itayo!

Saray Salmo 124:7 Referans Kwoze

Saray Salmo 91:3

Andi-saew ya ipaliis to kad amin a maamut a kaatapan, tan diad amin a makapatey iran salot.

Probirbio 6:5

Paway kad patit a singa manok odino singa sakey ya ulsan ibabatikan toy umaanup.

2 Timoteo 2:26

Diad satan, ompawil irad dugan liknaan da tan nibatikan day patit nen Diablo ya angerel tan amasoot ed sikaran mangonur na linawa to.

Saray Salmo 25:15

Say Katawan so pikekerewan ko lawas na tulong. Manmamatalek ak lawas ed Katawan, et ipapaliis to ak ed kaatapan.

1 Samuel 25:29

No walay ondogpad sika tan labay to kan pateyen, say Katawan a Dios iyarawi to kad kaatapan, a singa pambantay na sakey a too ed mablin kayamanan. Ibasileng na Katawan iray kalaban mo, a singa pangipalsut na sakey too ed saray bato.

Jeremias 18:22

Mangibaki ka pa na olup da ray totoon bigla-biglan mangakokos ed logan na saray kaabungan da; paeyag mo rad takot. Angotkot iray abut a kapelagan ko, tan angyan iray patit a pangerel dad siak.

Jeremias 5:26

“Manaayam ed kawalaan da ray totook iray totoon maoges; mantatalaran iran singa totoon mangipapanat na iket a manerel na saray manok, balet inyan da ray patit da a manerel na totoo.

2 Samuel 17:2

Dogpaan mi no naksawan tan nanaekalan lay biskeg na linawa. Nataktakot ed satan, tan ombatik iray totoo to. Say ari labat so pateyen ko,

1 Samuel 23:28

Kanyan tinondaan ton inosilan si David tan linman akilaban ed saray Filisteo. Lapud saya, atawag iman a pasen na Pokdul a Nansianan.

Saray Salmo 129:4

Balet say Katawan a matonung et inagwat to ak ed inkaaripen.”