Saray Salmo 123:4 - Maung A Balita Biblia

⁴ Abayag lay impanlelemlemew ed sikami na saray mamayaman, tan say impanbabalaw na saray maruksan mapaatagey.

Maung a Balita Biblia

⁴ Abayag lay impanlelemlemew ed sikami na saray mamayaman, tan say impanbabalaw na saray maruksan mapaatagey.

Saray Salmo 123:4 Referans Kwoze

Saray Salmo 119:51

Mapalaloy pambabalaw ed siak na saray mapaatagey a totoo, balet ag ak sinmian ed ganggan mo.

Say Libro nen Job 12:5

Anggapo ray gunigon yo, balet ta luludlureyen yo ak; singa kakabilen yoy sakey a too a ngalngali la natumba.

Saray Gawgawa 17:32

Nen nadngel day Pablo ya angibagay nipaakar ed kiolid bilay, niludlurey na pigarad sikara. Balet inkuay arum, “Labay mi ka lamet a dengelen nipaakar ed saya.”

1 CORINTO 4:13

no napapabaingan kami, anlemek so kakaebat mi. Anggad natan, aliling miy dotak tan andi-kakanaan a bengatla diad tapew na dalin.

Saray Gawgawa 26:24

Nen mansasalita niy Pablo a pangyagel tod laman ton dili, maksil ya inkuanen Festo, “Ambagel ka, Pablo! Aambagelen kay alabas ya aral mo!”

Amos 6:1

Pangaskasiyan so kipapasen yo, sikayon mainomay so pambibilay yod Sion tan sikayon taga Samaria ya abaloan yon arawi kayod kaatapan—sikayon totoon matalona ed sayan bansan Israel a dadagoen a kerewan na tulong na saray arum a totoo!

Jeremias 48:29

Mapalalon mapaatagey so Moab! Nadngelan kon mapaatagey, ag mangitaltalek, tan malastug iray totood Moab. Atagtagey so panangipasen dad sikaran dili.

Jeremias 48:11

Say Katawan inkuanto, “Arawi lawas ed kaatapan so Moab, tan ag balut nibantak ed arum a bansa. Say Moab et singa alak ya ag nagagalaw ed akapanginan tan ag balut nibabales-bales ed nandodoman pasig. Ag balut aderal so taway to tan ag naomay samit na taway to.

Isaias 32:11

Mambibilay kayod inawa ed abayag lan panaon, tan anggapoy kapagaan yo; balet natan giwgiw kayod takot! Lakseb yoy kawes yo tan mansapey kayoy sako.

Isaias 32:9

Sikayo ran bibiin mambibilay ed inawa, ya anggapoy kapagaan yo, dengel yoy ibabagak.

Say Libro nen Job 16:4

No pasen yoy pasen ko tan pasen koy pasen yo, nibagak iray ibabaga yo. Napeyeng-peyengan ta kayo, tan nayarian koy ag ontondan mansalita sumpad sikayo.

Nehemias 2:19

Balet nen nadngelan di Sanbalat, Tobias, tan Gesem ya Arabe so plano min gawaen, inelekelekan tan niluludlurey da kami. Inkuanda, “Anto tay gagawaen yo? Labanan yo la sirin so impirador?”

Saray Gawgawa 17:21

(Ta anggapo lay arum a gagawaen da ray taga Atenas tan saray sangkailin manaayam diman no ag say pandengel tan say pantongtong da na nipaakar ed saray balon bengatla.)

Jeremias 48:27

Moab, nanunotan mo no panoy impanluludlurey mod saray totood Israel? Impapasen mon kaolup ira na saray matakew, kanyan mameyeng-peyeng ka kapag nasalitam ira.

1 Samuel 17:42

et nen anengneng to lan maung si David, binalaw to, ta sakey labat a balolakin maung so alagey to tan guapo.