Saray Salmo 121:7 - Maung A Balita Biblia

⁷ Iyagel kay Katawan ed amin a kaatapan, ag to iyabuloy a walay maoges a nagawad sika.

Maung a Balita Biblia

⁷ Iyagel kay Katawan ed amin a kaatapan, ag to iyabuloy a walay maoges a nagawad sika.

Saray Salmo 121:7 Referans Kwoze

2 Timoteo 4:18

Say Katawan so mangyagel ed siak ed amin a kaogsan, tan sikato met so mangyakar ed siak diad mangatatawen a Panarian to. Nagalang komun ed ando lan ando! Amen.

Saray Salmo 41:2

Iyagel ira na Katawan tan pansiansiaen to ran mambilay; pagmaliwen to ran maliket diad tapew na dalin; ag to ra paolyan a napelag ed pakayari na saray kalaban da.

Probirbio 12:21

Anggapoy makapoy a nagagawad saray totoon matonung, balet natatabunan na gunigon iray totoon maoges.

Saray Salmo 145:20

Iyaagel to ray amin a maarod sikato, balet deralen to ray amin a totoon maoges.

Mateo 6:13

Tan ag mo kami pa iyaakar ed pakatuksoan, no ag ingen iyagel mo kamid samay Maoges.’

Saray Salmo 97:10

Inaro na Katawan iray mamobosul na kaogsan; iyaagel toy bilay na saray totoo to, ilalaban to rad pakayari da ray totoon maoges.

Saray Salmo 34:22

Ilaban na Katawan iray totoo to; ag nadusa ray papaiyagel ed sikato.

Saray Taga Roma 8:28

Amta tayo a diad amin a bengatla gagawaen na Dios so pankaabigan na amin da ray mangaarod sikato, a salanti saray tinawag na Dios onung ed linawa to.

Genesis 28:15

Ag mo lilingwanan a wala ak ed sika tan iyagel ta kad inerman a laen mo, tan ipawil ta kad sayan dalin. Ag ta ka taynan, anggad pakasumpal kon gawaen ya amin iray insipan kod sika.”

Saray Bilang 6:24

Bindisionan kayo komun na Katawan tan talimaen to kayo;

1 Saray Awaran 4:10

Nampikasiy Jabes ed Dios na Israel, “Bindisionan mo ak pa, O Dios, tan itdan mo ak pay maawang a dalin. Ibaan mo ak pa tan iyagel mo ak ed maoges pian ag ak napasakitan.” Et inter na Dios iray kinerew to.