Saray Salmo 12:5 - Maung A Balita Biblia

⁵ Balet kuay Katawan, “Onsingger ak natan, ta napapairap iray mankakaukolan tan mandadageyem ed sakit iray napapasegsegang. Iyarawik irad kaatapan ta sikatoy pampipilalekan da!”

Maung a Balita Biblia

⁵ Balet kuay Katawan, Onsingger ak natan, ta napapairap iray mankakaukolan tan mandadageyem ed sakit iray napapasegsegang. Iyarawik irad kaatapan ta sikatoy pampipilalekan da!

Saray Salmo 12:5 Referans Kwoze

Saray Salmo 34:6

Ontatawag ed sikato iray doroka, et eebatan to ra; ilalaban to ra ed amin a gunigon da.

Probirbio 14:31

No pairapen mo ray totoon mairap-bilay, papabaingan mo so Dios ya amalsad sikara; balet say pangasid mairap-bilay et sakey a panangigalang ed Dios.

Santiago 5:4

Dengel yoy riklamo da ray totoon nankimey ed dalin yo, ta ag yo ra inoopaan. Nadngel na Katawan a Makapanyarin-amin so dageyem da ray omaani yo!

Isaias 33:10

Say Katawan kuantod saray bansa, “Natan, siak so onggalaw. Ipanengneng koy ontan lan pakayarik.

Say Libro nen Job 5:15

Balet say Dios iyaagel tod patey iray mairap-bilay; iyaagel tod panamairap na arum a totoo iray walad pankaukolan.

Saray Salmo 10:12

Alagey ka, Katawan, ta dusam iray totoon maoges! Ag mo pa lilingwanan iray maniirap!

Say Libro nen Job 5:21

Say Dios ipaliis to kad panamaoges na arum a totoo; iyagel to ka no onsabiy deral.

Isaias 19:20

Sikara yay tanda na kiwawalay Katawan a Makapanyarin-amin ed Egipto. No napapairap iray totood man tan onkerew irad Katawan na tulong, say Katawan et mangibaki na mangyagel ed sikara.

Ezekiel 18:18

Balet si ama to, et nansasaol tan nantatakew tan nanggagaway kaogsan ed balang sakey a too. Kanyan inatey lapud saray dilin kasalanan to.

Ecclesiastes 5:8

Ag mo pankelawan no nanengneng mon papairapen na gobirno iray mairap-bilay tan ag to iter ed sikara so katonungan da tan say kanepegan da. Ta balang opisyal iyaagel na opisyal ya atagey nen say sikato, tan iyaagel iran dua na saray opisyal ya atagtagey nen say sikaran dua. Say ari so sankatageyan ed amin ya opisyal tan napanoleyan toy amin a dalin a sakop to.

Ecclesiastes 4:1

Insan ak ninmengneng lamet ed amin a panaglames a nagagawad sayan mundo. Manakakis iray napapairap, tan anggapod sikaray tinmulong. Anggapod sikaray tinmulong, lapud walad diking da so pakayari da ray mamapairap ed sikara.

Saray Salmo 10:18

Dengelen moy tawag da ray napapairap tan saray olila; diad pananintinsiam kilingan mo ra pian ag la makapantaktakot iray totoon ompatey met lamlamang.

Saray Salmo 10:5

Maaligwas so pansusumpalay amin a gagawaen na toon maoges. Ag to natatalusan iray sintinsiay Dios; eelek-elekan to ray kalaban to.

Saray Huis 10:16

Kanyan imbabantak da ray kayaryan dan diriyos na arum a bansa, tan inggalang da lay Katawan; et agunigon so Katawan lapud kakairapan na saray Israelita.

Exodo 5:2

Inmebat so ari, “Siopa so Katawan? Akin et ondengel ak ed sikato tan abuloyan kon ontaynan iray Israelita? Ag ko kabat itan a Katawan, tan ag ko abuloyan ya ontaynan iray Israelita.”

Saray Salmo 31:19

Makapakelaw a tuloy so kamaungan ya igaganam ed saray mangigagalang ed sika! Kabat na amin a totoo so ontan lan kamaungan mo, say ontan lan panangyagel mod kaatapan ed saray manmamatalek ed sika.

Saray Salmo 73:8

Elek-elekan da ray arum a totoo tan totongtongen day nipaakar ed kaogsan; mapaatagey ira tan iplaplano ray pamairap dad arum a totoo.

Probirbio 18:21

Makaiter odino makaderal na bilay so panagsalitam; kanyan nepeg mon awaten iray bunga na panagsalitam.

Oseas 7:16

Itutuloy day onsingger ed sakey a dios ya anggapoy pakayari. Ag ira napanmatalkan a singa pikewet a pana. Lapud mapaatagey ed panagsalita iray pangulo ra ompatey irad ispada. Diad ontan elekan ira na saray Egipsio.”